Карысныя канікулы…Вясновыя канікулы…Актыўныя канікулы…
Вясновыя канікулы працягваюцца і распісаны штохвілінна:трэба паспець і падцягнуць свае веды па прадметах, і ў спартыўных спаборніцвтвах прыняць удзел, і абмеркаваць свае правы і абавязкі, і аб’яднанні па інтарэсах наведаць, і пападарожнічаць па дзіцячым прававым сайце, і пагуляць у настольныя гульні і шмат чаго яшчэ цікавага і карыснага пасмець зрабіць за адзін тыдзень канікул.
Карысныя канікулы…Вясновыя канікулы…Бяспечныя канікулы…
Вясновыя канікулы традыцыйна пачаліся з Дня бяспечных паводзін, дзе хлопчыкі і дзяўчынкі паўтаралі правілы бяспечных паводзін не толькі на дарозе, але і на вуліцы, дома, у грамадскіх месцах. Віктарына «Што такое дрэнна і што такое добра?» дапамагла праверыць свае веды па бяспецы.
Наведванне выстаў «Генацыд на Пружаншчыне: па матэрыялах даследавання» і «Дзіцячы погляд з вечнасці»
26 сакавіка ў рамках Года гістарычнай памяці вучні 6-8 класаў наведалі выставы «Генацыд на Пружаншчыне: па матэрыялах даследавання» і «Дзіцячы погляд з вечнасці». На выставе «Генацыд на Пружаншчыне: па матэрыялах даследавання» вучням расказалі пра тэму генацыду беларускага і яўрэйскага насельніцтва на Пружаншчыне ў гады Вялікай Айчыннай вайны, пра гета, якое знаходзілася ў Пружанах, пра трагічны лёс яго вязняў.
Суботні дзень бяспечных паводзін
Апошняя субота чвэрці традыцыйна была прысвечана бяспечным паводзінам. Вучні пачатковых класаў наведалі гадзіну зносін “Калі ты адзін дома”, конкурс малюнкаў “Бяспечныя канікулы”. Вучні 5-7 класаў сабраліся на практычных занятках на пляцоўцы па Правілах дарожнага руху “Адказны пешаход, дысцыплінаваны веласіпедыст” і круглым стале “Прававая адказнасць падлеткаў”. Таксама сёння члены піянерскай дружыны наведалі раённую школу піянерскага актыву “Майстар ідэй”.
Адзіны дзень інфармавання для VIII-XI класаў у сакавіку «Школа Актыўнага Грамадзяніна» (ШАГ-7)
25 сакавіка ў VIII-XI класах прайшоў адзіны дзень інфармавання для VIII-XI класаў па тэме «Гонар за Беларусь. Чыстае навакольнае асяроддзе -ключ да здаровага жыцця». Старшакласнікі пагутарылі аб захаванні біяразнастайнасці, дасягненнях у галіне захавання экалагічна чыстага навакольнага асяроддзя, а таксама распрацавалі экалагічную школьную акцыю на красавік месяц.
Школа Актыўнага Грамадзяніна 24 сакавіка
24 сакавіка на ўсіх ступенях адукацыі прайшлі інфармацыйныя гадзіны для І ступені па тэме «Кожны з нас у адказе за мір на планеце», для ІІ і ІІІ ступені па тэме «Беларусь — краіна міру, дружбы і добрасуседства».
Гадзіна Зямлі
У Беларусі 26 сакавіка пройдзе самая масавая міжнародная экалагічная акцыя «Гадзіна Зямлі». «Мінпрыроды запрашае ўсіх жадаючых прыняць удзел у акцыі «Гадзіна Зямлі»: 26 сакавіка ў 20.30 на гадзіну выключым святло разам», — расказалі ў прэс-службе.
Школа Актыўнага Грамадзяніна 24 сакавіка
24 сакавіка на ўсіх ступенях адукацыі пройдуць інфармацыныя гадзіны па наступнай тэматыцы: для І ступені — «Кожны з нас у адказе за мір на планеце», для ІІ і ІІІ ступені — «Беларусь — краіна міру, дружбы і добрасуседства».