Космас заўсёды быў і застаецца адной з найбольш хвалюючых загадак чалавецтва. Яго глыбінныя далі нястомна цягнуць да сябе даследчыкаў ўсіх пакаленняў, зорнае неба зачароўвае сваёй прыгажосцю, а зоркі спрадвеку былі вернымі праваднікамі для падарожнікаў. 12 красавіка ў класах прайшлі інфармацыйныя гадзіны, прымеркаваныя да Дня касманаўтыкі.
Па рашэнні Арганізацыі Аб’яднаных Нацый 11 красавіка ва ўсім свеце адзначаецца Міжнародны дзень вызвалення вязняў фашысцкіх канцлагераў. Ён усталяваны ў памяць аб інтэрнацыянальным паўстанні ў Бухенвальдзе. 11 красавіка ў класах прайшлі гадзіны Памяці. Вучні пазнаёміліся з трагічнымі лёсамі вязняў канцлагераў, здзейснілі віртуальныя падарожжа па помніках, якія ўсталяваны на месцы канцлагераў у Рэспубліцы Беларусь, і яшчэ раз успомнілі пра трагічнае мінулае Беларусі ў гады Вялікай Айчыннай вайны.
У суботу вучні 6-11 класаў наведалі з экскурсійнай праграмай Косаўскі палаца-паркавы комплекс. Яны пазнаёміліся з палацам Пуслоўскіх, які складаецца з некалькіх частак: цэнтральнага корпуса ў два паверхі, а таксама двух крылаў, якія прымыкаюць збоку, а таксама здзейснілі цікавае падарожжа па тэрыторыі комплексу.
У дзень адкрыцця тыдня ў бібліятэцы прайшла выстава праваслаўнай кнігі «Жывое слова мудрасці духоўнай». Вучні пачатковых класаў прынялі ўдзел у пазнавальнай гадзіне «Цікавыя факты пра кнігі» і конкурсе малюнкаў «Мае любімыя казачныя героі». Сярод вучняў 5-7 класаў прайшла квэст-гульня «Па старонках любімых кніжак». На працягу тыдня жадаючыя маглі прыняць удзел у акцыі «Падары кнігу бібліятэцы».
9 красавіка ў школе прайшоў Дзень здароўя. Вучні пачатковых класаў прынялі ўдзел у майстар-класе «Правільная асанка — залог здароўя», пазнавальнай праграме “У краіне здароўя”, вучні 5 — 8 класаў сустрэліся на дыскусіі “Здаровы лад жыцця – мода або неабходнасць?”, віктарыне “Я і маё здароўе”. Для ўсіх жадаючых прайшла спартландыя «Вясёлы мяч». Таксама сёння спартыўная каманда школы прыняла ўдзел у вясновым першынстве раёна па лёгкаатлетычным кросе, а творчая каманда — у раённым этапе конкурсу «Хвіліна славы».
Конкурс малюнкаў «Па старонках купалаўскіх твораў». Для ўдзелу ў конкурсе вучні рыхтавалі свае малюнкі па матывах мастацкіх твораў Я.Купалы і Я. Коласа.
Янка Купала і Якуб Колас — мудрыя і праўдзівыя настаўнікі. Яны пакінулі нам духоўны запавет — любіць, шанаваць, берагчы спадчыну, быць сапраўднымі патрыётамі.
7 красавіка, у Сусветны дзень здароўя» вучні і настаўнікі прынялі ўдзел у агульнашкольнай ранішняй гімнастыцы.
Даць ацэнку якасці паслуг, якія атрыманы ва ўстанове адукацыі, Вы можаце на партале качество-услуг.бел. Адсканіруйце QR-код, запоўніце анкету.
