25 красавіка старшакласнікі сабраліся на фестываль КВЗ, які ў гэтым навучальным годзе быў прысвечаны прафесіям. Каманды 8,9,10 і 11 класаў весела і знаходліва прэзентавалі прафесіі, адказвалі на пытанні «прафесійнай» віктарыны, капітаны каманд дэманстравалі сваё майстэрства і ў выніку лепшым стаў 8 клас.
21 красавіка для вучняў 5 — 7 класаў прайшоў урок памяці «Нам гэты свет завешчана берагчы», прысвечаны 77-годдзю Вялікай Перамогі. Урок прайшоў па наступных тэматычных блоках «Пачатак вайны», «Акупацыя», «Партызанскі рух і падпольная барацьба», «Вызваленне». Падчас урока вучні пазнаёміліся з работай інтэрактыўнай пляцоўкі «ПАТРЫЁТ.BY». Перад прысутнымі выступіла старшыня Хараўскога сельскага выканаўчага камітэта Алена Рыгораўна Пстыга. У якасці эпіграфа да ўрока абраныя словы Васіля Быкава: «Памяць аб крывавых выпрабаваннях у мінулай вайне ёсць найлепшы гарант міру і існавання розных народаў на нашай зямлі».
23 красавіка вучні сустрэліся на дне прафесій. У рамках шостага школьнага дня прайшлі гадзіна загадак і крыжаванак “Усе прафесіі важныя”, пазнавальная праграма “Я і свет прафесій”. Таксама сёння вучні школы прынялі ўдзел у раённых спаборніцтвах па плаванні.
22 красавіка вучні 9-11 класаў сустрэліся з прадстаўнікамі Бярозаўскага дзяржаўнага прафесійнага ліцэя будаўнікоў, якія расказалі аб умовах навучання і завочна пазнаёмілі старшакласнікаў з ліцэем, а таксама адказалі на пытанні прысутных.
16 красавіка работнікі школы прынялі актыўны ўдзел у рэспубліканскім суботніку.
16 красавіка каманда юных інспектараў дарожнага руху «Святлафор» (Губарык Маргарыта, вучаніца 4 класа; Лушчык Максім, вучань 5 класа; Губарык Ганна і Аліфірук Уладзіслаў, вучні 6 класа; Салагуб Алена і Вахновіч Антон, вучні 7 класа; Кавальскі Уладзіслаў і Скобля Аліна, вучні 8 класа; кіраўнікі Фядотава Аляксандра Аляксандраўна і Вашчук Марына Мікалаеўна) заняла першае агульнакаманднае месца сярод 15 устаноў адукацыі на раённым конкурсе юных інспектараў дарожнага руху і будзе выступаць на занальным этапе конкурса, які пройдзе ў г.Баранавічы.
З мэтай выхавання прававой граматнасці навучэнцаў у адпаведнасці з заканадаўствам Рэспублікі Беларусь і павышэння матывацы да захавання «правоў» і «абавязкаў» з 11 па 16 красавіка ва ўстанове адукацыі прайшоў Тыдзень прававых ведаў. Вучні пачатковых класаў наведалі дзіцячы прававы сайт mir.pravo.by, вучні 5-7 класаў шукалі самага разумнага падчас правога брэйн-рынга, старшакласнікаў сабраў круглы стол «ВЕДАЕМ правы, РАЗУМЕЕМ абавязкі, УСВЕДАМЛЯЕМ адказнасць». Таксама прайшлі чэмпіянат па зборы пазлаў “Я і мае правы” і наведванне школьнага вугалка прававых ведаў. Тыдзень завяршыўся суботнім школьным днём правоў чалавека.
