Прыгоды маленькіх рабінзонаў працягваюцца. Падрыхтоўка да паходу ў лес — справа нялёгкая, але вельмі патрэбная і вельмі адказная. У лютым акцябраты сталі ўдзельнікамі спартландыі, дзе паспяхова справіліся з усімі заданнямі. Эстафеты пройдзены, а значыць Рабінзон кліча наперад!
Вучні школы прынялі ўдзел у раённым этапе абласнога адкрытага конкурсу “Боль маёй душы – Афганістан» і у раённым этапе рэспубліканскага конкурсу “У кожнага часу свае героі”. 15 лютага прайшлі інфармацыйныя гадзіны “Рэха вайны ў Афганістане”. Таксама вучні наведалі выставу “Героі Афганскай вайны”. Завяршылась дэкада наведваннем музея вайны ў Афганістане, які знаходзіцца пры Палацы культуры г.Пружаны.
З 14 па 19 лютага ў школе прайшлі мерапрыемствы ў рамках Тыдня грамадзянскасці і патрыятызму. Фарміраванню ў навучэнцаў грамадзянскасці, патрыятызму, любові і павагі да сваёй Айчыны, актыўнай жыццёвай пазіцыі, захаванню гістарычнай памяці і спадчыны малой радзімы спрыялі круглы стол “Подзвіг беларускіх партызан” з наведваннем інтэрнэтпартала “Партызаны Беларусі” для вучняў 8 — 11 класаў, завочнае падарожжа “Мінск – наша сталіца” для вучняў пачатковых класаў, інтэлектуальная гульня “Я ведаю Беларусь”, у якой прынялі ўдзел вучні 5 — 7 класаў. На працягу тыдня працавала выстава «Мой родны кут, як ты мне мілы». Завяршыўся тыдзень шостым школьным Днём гістарычнай памяці.
19 лютага Скобля Аліна прыняла ўдзел у раённым этапе конкурса «Піянер-года». Конкурс уключаў у сабе чатыры этапы: візітка «Лідар будучыні», «TikTok-партфоліа», «IQ-прэзентацыя» і «Талент». Аліну на конкурсе падтрымлівалі Чарэшка Аляксандра, Губарык Маргарыта, Ліштван Лізавета, Губарык Ганна і Жур Ангеліна. З конкурсу дзяўчынкі вярнуліся з перамогай, а значыць лепшы піянер года знаходзіцца ў Хараўской сярэдняй школе і гэта — Скобля Аліна. Віншуем Аліну, яе групу падтрымкі і жадаем поспехаў на абласным этапе.
8 лютага — Дзень памяці ўсіх дзяцей, якія змагаліся за мір не толькі ў мірны час, але і ў гады Вялікай Айчыннай вайны. Юныя героі-антыфашысты такія ж самыя дзеці. Яны змагаліся за тое, каб мір быў ва ўсім свеце. Вялікая Айчынная вайна стала цяжкім выпрабаваннем для савецкіх людзей. Яна прайшла праз лёсы многіх сем’яў, дакрануўшыся да кожнага — ад самага маленькага да самага вялікага. Сёння піянеры школы запрасілі акцябрат на вусны часопіс «Юныя героі вялікай вайны». Піянеры расказалі аб юных героях-антыфашыстах, іх нялёгкіх лёсах і адважных учынках.
У студзені цімураўцы правялі «Сустрэчу на ўсе 100!» з кіраўніком аб’яднання па інтарэсах «Творчая майстэрня», а пасля распрацавалі майстар-клас па вырабу сувеніраў татам на Дзень абаронцаў Айчыны і правялі яго для акцябрат школы.
Студзень падрыхтаваў для юных рабінзонаў новыя выпрабаванні пад кодавай назвай «Лясная аптэка». Усё пачалося з задання «Лекавыя расліны», дзе спачатку акцябраты адгадвалі лекавыя расліны, а затым размалёўвалі і размяшчалі іх у дзённіку. Падчас выканання занадння «Першая дапамога» ўсе разам аказвалі дапамогу хворым толькі пры дапамозе лекавых раслін. У сваіх дзённічках хлопчыкі і дзяўчынкі запісалі якімі лекавымі раслінамі і пры якой хваробе неабходна лячыцца. Каб лячыцца лекавымі раслінамі, трэба ўмець іх збіраць. Таму трэцім заданнем стала заданне «Правілы збору лекавых раслін».
