Тыдзень барацьбы з курэннем пачаўся з інфармацыйных гадзін «21 лістапада-Міжнародны дзень адмовы ад курэння». Для пачатковых класаў прайшла гадзіна зносін «Беражы сваё здароўе», вучні 5-8 класаў наведалі пазнавальную праграму «Курэнне і яго наступствы».
Чацвёртыя класныя гадзіны лістапада ў 5 — 7 класах прайшлі ў рамках праекта «Школа Актыўнага Грамадзяніна». У лістападзе вучняў запрасіў на сустрэчу адкрыты мікрафон «Наша школа праз 10 гадоў».
26 лістапада старшакласнікі размаўлялі на тэму «Мы ў сучаснай медыяпрасторы: павага, бяспека, дакладнасць». Падчас мерапрыемства старшакласнікі пазнаёміліся са сродкамі масавай інфармацыі і камунікацыі як з адным з найважнейшых інстытутаў сучаснага грамадства, разледзелі закон аб СМІ, а таксама засяродзілі ўвагу на асабістай інфармацыйнай бяспецы.
Тыдзень «Бяспечны інтэрнэт» пачаўся з інфармацыных гадзін “Хто прыдумаў інтэрнэт” і “Асновы бяспекі ў сетцы інтэрнэт”. Віктарына “Што я ведаю пра бяспечную работу ў Інтэрнэце” знайшла самых кемлівых. Пазнавальная праграма “Тэрыторыя Інтэрнэта” расказала вучням пачатковай школы пра сусветную павуціну.
У трэці чацвер лістапада у рамках Адзіных дзён ведаў ПДР члены атрада ЮІД правялі гадзіны зносін «Пешаходны пераход — месца сустрэчы ветлівых людзей», дзе яшчэ раз нагадалі хлопчыкам і дзяўчынкам правілы пераходы праезнай часткі дарогі і практычна замацавалі атрыманыя веды.
ЭкаЦімураўцы-мурашы паспяхова выканалі заданне лістапада і пабывалі ў Царстве жывёл. Спачатку яны адказалі на пытанні віктарыны, а затым вывучылі жывёльны свет Пружанскага раёна і стварылі карту добрых экалагічных спраў,каб дапамагчы дарослым захаваць жывёльны свет Пружанскага раёна.
«Ахвяры звычкі» — менавіта так называецца новы фільм, падрыхтаваны Рэспубліканскім цэнтрам прапаганды ў рамках акцыі «Не прапальвай сваё жыццё!».
