Усенароднае свята 9 Мая стала сімвалам мужнасці і гераізму, вялікага патрыятызму салдат, якія цаною жыцця адстаялі свабоду. Гэта радасны і шчаслівы дзень для цяперашніх і будучых пакаленняў, для якіх дзяды і прадзеды заваёўвалі права на мірнае жыццё. 9 мая вучні і педагогі школы прынялі ўдзел ва ўрачыстым мітынгу да Дня Перамогі. Піянеры і акцябраты школы выступілі з рэпрызай «Няхай заўсёды будзе мір на свеце!».
Шмат гадоў прайшло з таго незабыўнага дня, калі змоўклі апошнія залпы бітваў, калі ў Берліне была пастаўлена пераможная кропка кровапралітнай вайны, якая доўжылася 1418 дзён і начэй. Вайна і песня, што можа быць супольнага? Здавалася б, нягоды і пакуты ваеннага часу не пакідаюць месца для песень. І, тым не менш, песня заўсёды суправаджала салдата! 6 мая ў школе прайшоў фестываль ваеннай песні «Дзякуй прадзеду за Перамогу». На фестывалі гучалі не толькі песні ваенных гадоў, але і песні, якія былі напісаны ў мірны час.
Перадапошні месяц заданняў для акцябрат ад Рабінзона быў звязаны з экалогіяй. Акцябраты малявалі экалагічныя знакі, абмяркоўвалі мудрыя думкі аб прыродзе, шукалі жывёл сярод слоў і вырашалі скаргі лясных звяроў. Апошнім заданнем стаў відэазварот «Беражы сваю планету», у якім акцябраты заклікаюць усіх захоўваць і берагчы нашу планету Зямля.
21 красавіка для вучняў 5 — 7 класаў прайшоў урок памяці «Нам гэты свет завешчана берагчы», прысвечаны 77-годдзю Вялікай Перамогі. Урок прайшоў па наступных тэматычных блоках «Пачатак вайны», «Акупацыя», «Партызанскі рух і падпольная барацьба», «Вызваленне». Падчас урока вучні пазнаёміліся з работай інтэрактыўнай пляцоўкі «ПАТРЫЁТ.BY». Перад прысутнымі выступіла старшыня Хараўскога сельскага выканаўчага камітэта Алена Рыгораўна Пстыга. У якасці эпіграфа да ўрока абраныя словы Васіля Быкава: «Памяць аб крывавых выпрабаваннях у мінулай вайне ёсць найлепшы гарант міру і існавання розных народаў на нашай зямлі».
31 сакавіка пераможца раённага этапа конкурса «Лідар года» Скобля Аліна разам з группай падтрымкі (Імховік Вераніка, Губарык Маргарыта, Ліштван Лізавета, Губарык Ганна, Жур Ангеліна, Зыбін Арцём, Кавальская Таццяна, кіраўнік Фядотава Аляксандра Аляксандраўна) выступіла на абласным этапе конкурса, які праходзіў у ЦМТ г.Брэста. Аліна разам з камандай выступілі творча, яскрава і яшчэ раз даказалі, што піянеры Хараўской сярэдняй школы і Пружанскага раёна творчыя і яскравыя!
Апошняя субота чвэрці традыцыйна была прысвечана бяспечным паводзінам. Вучні пачатковых класаў наведалі гадзіну зносін “Калі ты адзін дома”, конкурс малюнкаў “Бяспечныя канікулы”. Вучні 5-7 класаў сабраліся на практычных занятках на пляцоўцы па Правілах дарожнага руху “Адказны пешаход, дысцыплінаваны веласіпедыст” і круглым стале “Прававая адказнасць падлеткаў”. Таксама сёння члены піянерскай дружыны наведалі раённую школу піянерскага актыву “Майстар ідэй”.
24 сакавіка на ўсіх ступенях адукацыі прайшлі інфармацыйныя гадзіны для І ступені па тэме «Кожны з нас у адказе за мір на планеце», для ІІ і ІІІ ступені па тэме «Беларусь — краіна міру, дружбы і добрасуседства».
У сакавіку атрад акцябрат сустрэўся з сапраўднымі турыстычнымі перашкодамі. Спачатку разбіраліся з турыстычнай экіпіроўкай, выбіраючы групавую і асабістую. Затым тэарэтычна і практычна знаёміліся з турыстычнымі вузламі. Пасля вузлоў усіх чакала выпрабаванне «Палатка». Экіпіроўка складзена, вузялкі завязаны, палатка пастаўлена і самы час зварыць юшку. На жаль, надвор’е не дазволіла зварыць сапраўдную юшку, але ў дзённіку цяпер есць яе рэцэпт і таму у маі рабінзоны з лёгкасцю змогуць яе зварыць. Апошнім заданнем стаў «Компас», падчас якога акцябраты склалі карту будучага паходу. Выпрабаванні пройдзены, і Рабінзон чакае хлопчыкаў і дзяўчынак у красавіку.
Пружанскі раённы савет ГА «БРПА» па ініцыятыве «Гарадскога дзіцячага парламента» ў Дзень Канстытуцыі Рэспублікі Беларусь запусціў тэтрыс-чэлендж з мэтай — паказаць у наборы простых рэчаў дзяржаўныя сімвалы як неад’емны атрыбут суверэнітэту нашай краіны. Піянеры школы сумесна з членамі ГА «БРСМ» таксама далучыліся да дадзенай акцыі.
Раніца 15 сакавіка пачалася з танцавальнай кампазіцыі «Тэрыторыя дзяцінства», якую падрыхтавалі піянеры-удзельнікі праекта «Цімураўцы.by» сумесна з членамі ГА «БРСМ». Хлопчыкі і дзяўчынкі павіншавалі ўсіх піянераў і акцябрат з Днём Канстытуцыі Рэспублікі Беларусь і стварылі святочную атмасферу на ўвесь наступны дзень. Таксама сёння ў класах прайшлі інфармацыйныя гадзіны «Канстытуцыя-асноўны закон Рэспублікі Беларусь».