21 верасня — Адзіны дзень бяспекі
У мэтах прафілактыкі надзвычайных сітуацый, правапарушэнняў і злачынстваў, навучання паводзінам ва ўмовах пажараў і іншых надзвычайных сітуацый 21 верасня 2023 года ва ўстанове адукацыі праходзіць Адзіны дзень бяспекі. У рамках гэтага мерапрыемства ў школе прайшла трэніровачная эвакуацыя дзяцей і работнікаў на школьны стадыён з будынка школы, а таксама члены ГА «БРСМ» сумесна з ГА «БРПА» правялі агітацыйную работу па распаўсюджванні інфармацыі аб бяспечных паводзінах пры ўзнікненні надзвычайных сітуацый.
21 ВЕРАСНЯ 2023 ГОДА – АДЗІНЫ ДЗЕНЬ БЯСПЕКІ
У Рэспубліцы Беларусь 21 верасня 2023 года пройдзе “Адзіны дзень бяспекі”.
Задачы “Адзінага дня бяспекі” – развіццё культуры бяспекі жыццядзейнасці і
прапаганда бяспечных умоў пражывання і працоўнай дзейнасці.
Экскурсія ў кінатэатр
У рамках Году міру і стварэння вучні і настаўнікі ўстановы адукацыі 19 верасня наведалі кінатэатр «Спадарожнік» у г.Пружаны, дзе ажыццявілі прагляд нацыянальнага гістарычнага мастацкага фільма «На другім беразе». Добрая ігра акцёраў дазваляе пранікнуцца пачуццямі і перажываннямі герояў і дае адчуванне сваёй прысутнасці ў гэтым фільме. Акунуцца ў атмасферу таго часу дазваляе і музычнае афармленне. Пасля прагляду мы выходзілі, уражаныя сюжэтам і ігрой акцёраў. Фільм вучыць нас усіх, што менавіта ў адзінстве сіла народа і што будучыня краіны толькі ў нашых руках.
З 11 верасня па 16 верасня ў школе праходзіў Тыдзень народнага адзінства
У рамках Тыдня народнага адзінства ў школе быў праведзены конкурс плакатаў «Proединство», піянерскі збор, прысвечаны Дню нараджэння ГА «БРПА», флэшмоб-эстафета, праведзены кіналекторыі «Легенды і паданні Беларусі» для вучняў 1 — 5 класаў і фільм»Тры дні свабоды» для вучняў старэйшых класаў. 15 верасня ў школе прайшоў адзіны ўрок «Дзень народнага адзінства».
Суботні дзень працоўнага і прафесійнага выхавання
Суботні дзень працоўнага і прафесійнага выхавання прайшоў у школе вельмі насычана і пладатворна. Вучні наведалі пазнавальную гадзіну «У свеце цікавых прафесій», літаратурна-музычную кампазіцыю «Розныя людзі адной краіны» з удзелам бібліятэкара Калядзіцкага СДК, і спаборніцтвы па лёгкай атлетыцы «Калі мы адзіныя -мы непераможныя» да Дня народнага адзінства.