Сёння ў лагеры ў рамках Тыдня моладзі і студэнцтва Moladz.by: памятаем традыцыі, жывем сапраўдным, імкнемся ў будучыню! прайшлі урок памяці «22 чэрвеня. Роўна ў 4.00», ваенна-спартыўная гульня «Зарніца» і прагляд кінафільма «Брэсцкая крэпасць».
22 чэрвеня ў краіне аб’яўлены Днём усенароднай памяці ахвяр Вялікай Айчыннай вайны і генацыду беларускага народа. Атрады змагаліся падчас гульні на мясцовасці «Па кроках Перамогі», у школьным музеі наведалі вугалок Вялікай Айчыннай вайны. Завяршыўся дзень конкурсам малюнкаў на асфальце «Сонца над маёй Белай Руссю». Таксама сёння выхаванцы наведалі з экскурсійнай праграмай Брэсцкую крэпасць. Дэвізам дня сталі словы «Памятаць, каб жыць».
18 чэрвеня прайшла яшчэ адна дыялогавая пляцоўка для старэйшых атрадаў па тэме «Урокі гісторыі. Высновы. Планы. Перспектывы». Выхаванцы звярнуліся да гістарычнага мінулага краіны, падумалі пра будучае, а таксама прынялі ўдзел у віктарыне «Шляхамі Вялікай Айчыннай вайны».
31 мая вучні наведалі ваенна-гістарычны музей імя А.В.Суворава, які знаходзіцца ў г.Кобрыне. Вучні пазнаёміліся не толькі з жыццём і дзейнасцю знакамітага палкаводца, але і даведаліся пра гісторыю горада ад старажытных дзён да дзён сённяшніх. Уразілі прысутных багатая калекцыя ўзбраення, якое прымянялася у войнах на тэрыторыі Беларусі, пачынаючы з Сярэднявечча і да Вялікай Айчыннай вайны.
28 мая вучні школы наведалі рэканструкцыю бою на гісторыка-культурным комлексе «Лінія Сталіна» і з экскусійнай праграмай прайшліся па залах Беларускага дзяржаўнага музея гісторыі Вялікай Айчыннай вайны. Юным экскурсантам правялі аглядную экскурсію па музею, у выніку якой яны змаглі больш даведацца аб трагічных старонках гісторыі нашай краіны і гераічным подзвігу беларускага народа. Цікава было ўбачыць ваенную тэхніку і збудаванні часоў Вялікай Айчыннай вайны, даведацца пра падзеі і абарончыя баі ў першыя месяцы вайны, адчуць неймаверныя цяжкасці, з якімі сутыкнуліся нашы воіны ў бітвах з фашысцкімі захопнікамі.
Да года гістарычнай памяці і з мэтай грамадзянска-патрыятычнага выхавання навучэнцы школы наведалі музей–сядзібу» Пружанскі палацык», дзе пазнаёміліся з выставамі «Генацыд на Пружаншчыне: па матэрыялах раследавання» і «Дзіцячы погляд з вечнасці». Падчас агляднай экскурсіі дзеці пазнаёміліся з матэрыяламі, прадстаўленымі генеральнай пракуратурай у ходзе расследавання крымінальнай справы аб генацыдзе беларускага народа.
26 мая для вучняў VІІІ — ХІ класаў прайшоў адзіны дзень інфармавання па тэме «Гонар за Беларусь. Выраблена беларусамі» (аб развіцці харчовай прамысловасці). Сустрэча складалася з двух блокаў: «Забеспячэнне харчовай бяспекі — адзін з прыярытэтаў дзяржаўнай сацыяльна-эканамічнай палітыкі Беларусі» і «Якасная прадукцыя, рацыянальнае харчаванне — залог здароўя нацыі, дабрабыту ў краіне».
У Рэспубліцы Беларусь 9 мая адзначаецца Дзень Перамогі — свята, здабытае ў цяжкіх баях за свабоду і незалежнасць Радзімы. Для жыхароў рэспублікі гэта не толькі святочны дзень,але яшчэ і Дзень памяці, глыбокай павагі і падзякі ўсім, хто набліжаў Вялікую Перамогу. З 2 па 9 мая ва ўстанове адукацыі прайшоў традыцыйны тыдзень «9 мая — Дзень Перамогі». Вучні прынялі ўдзел у акцыі “Салдацкая хусцінка” і новых 11 хусцінак дабавілася на «Палатно Перамогі». Таксама прайшлі конкурс газет “Піянеры-героі”, гадзіна памяці, прысвечаная Герою СССР З.Тусналобавай і камандзіру ЧА І.Марчанка, экскурсія ў школьны музей “Становіцца гісторыяй вайна…”… Завяршыўся тыдзень мітынгам да Дня Перамогі, які праходзіў каля помніка воінам Вялікай Айчыннай вайны ў аг.Харава.
Усенароднае свята 9 Мая стала сімвалам мужнасці і гераізму, вялікага патрыятызму салдат, якія цаною жыцця адстаялі свабоду. Гэта радасны і шчаслівы дзень для цяперашніх і будучых пакаленняў, для якіх дзяды і прадзеды заваёўвалі права на мірнае жыццё. 9 мая вучні і педагогі школы прынялі ўдзел ва ўрачыстым мітынгу да Дня Перамогі. Піянеры і акцябраты школы выступілі з рэпрызай «Няхай заўсёды будзе мір на свеце!».
Шмат гадоў прайшло з таго незабыўнага дня, калі змоўклі апошнія залпы бітваў, калі ў Берліне была пастаўлена пераможная кропка кровапралітнай вайны, якая доўжылася 1418 дзён і начэй. Вайна і песня, што можа быць супольнага? Здавалася б, нягоды і пакуты ваеннага часу не пакідаюць месца для песень. І, тым не менш, песня заўсёды суправаджала салдата! 6 мая ў школе прайшоў фестываль ваеннай песні «Дзякуй прадзеду за Перамогу». На фестывалі гучалі не толькі песні ваенных гадоў, але і песні, якія былі напісаны ў мірны час.