3 сакавіка адбыўся агульнашкольны бацькоўскі сход «Адказнасць за ўдзел у несанкцыянаваных масавых мерапрыемствах. Маніпуляцыі сродкамі сацыяльных сетак» з удзелам участковага інспектара міліцыі Сарокі А.В.
1 сакавіка да Міжнароднага дня барацьбы з наркаманіяй і наркабізнэсам для старўакланіказ школы прайшла пляцоўка-роздум «Я выбіраю жыццё». Перад вучнямі выступіла педагог сацыяльны А.Я.Калюта, якая закранула пытанні не толькі адмовы ад ўжывання, але і ад распаўсюджвання наркатычных сродкаў. А таксама прывяла апошнія дадзеныя з групы «STOP наркотык Пружаны».
5 снежня старшакласнікі сустрэліся з начальнікам ІСН Пружанскага РАУС В.М.Клімашэвічам, які расказаў пра ўмовы паступлення ў Магілёўскі інстытут Міністэрства ўнутраных справаў Рэспублікі Беларусь і Акадэмію Міністэрства ўнутраных спраў Рэспублікі Беларусь. Таксама Віктар Мікалаевіч засяродзіў увагу вучняў на прафілактыцы супрацьпраўных паводзін.
Традыцыйна ў канцы лістападу — пачатку снежня ў школе праходзіць Тыдзень «Мы за здаровае жыццё!» (да Сусветнага дня прафілактыкі СНІДу). Вучні 5-7 класаў прынялі ўдзел у гульні “Здароўе – гэта багацце!”, для вучняў пачатковых класаў прайшлі гадзіны зносін “Правілы асабістай гігіены». Старшакласнікі сабраліся на кіналекторыі “Мы супраць наркотыкаў і ВІЧ-інфекцыі”. 1 снежня, у Сусветны дзень прафілактыкі СНІДУ прайшла акцыя «Дзеці супраць злачынстваў,наркотыкаў і СНІДу”.
3 снежня ў школе прайшлі віктарына “Пра здаровы лад жыцця”, лекцыя – прэзентацыя “Што я павінен ведаць пра СНІД”, майстар-клас “Як захаваць сваю асанку правільнай”. Таксама сёння працягнула сваю работу творчая майстэрня Дзеда Мароза.
На тэрыторыі Пружанскага раёна ў перыяд з 01.12.2022 па 20.12.2022 рэалізуецца комплекс дадатковых мерапрыемстваў, накіраваных на ўстараненне негатыўных тэндэнцый у дынаміцы і структуры падлеткавай злачыннасці. Асноўная мэта названага комплексу — узмацненне прафілактычнага ўздзеяння на непаўналетніх, схільных да ўчынення супрацьпраўных учынкаў, а таксама правядзенне шырокамаштабнай інфармацыйна-прафілактычнай кампаніі, мінімізацыя прычын і ўмоў, якія садзейнічаюць узнікненню негатыўных з’яў у падлеткавым асяроддзі.
Тыдзень пачаўся з дыскусійнай пляцоўкі для старшакласнікаў “Курэнне – фактар рызыкі”. Для вучняў пачатковых класаў прайшла гадзіна зносін “Не пачынайце курыць!”. Вучні 5 — 8 класаў наведалі пазнавальную праграму “Курыць – здароўю шкодзіць”. 17 лістапада, у Сусветны дзень адмовы ад курэння вучні 6 — 11 класаў наведалі кіналекторый «Здаровы ты — здаровая нацыя». На працягу тыдны прайшлі тэматычныя класныя і інфармацыйныя гадзіны, а таксама выстава літаратуры “За свет без тытунёвага дыму”.
