З 24 кастрычніка па 29 кастрычніка ў школе праходзіў Тыдзень прафілактыкі безнагляднасці і правапарушэнняў
На працягу тыдня для вучняў усіх класаў прайшлі прафілактычныя гутаркі “Правілы бяспечных паводзін на канікулах”. Вучні пачатковых класаў наведалі гутаркі “Калі ты застаўся адзін дома” і дзіцячы прававы сайт mir.pravo-by. Вучні 5 — 8 класаў абмеркавалі пытанні адміністрацыйнай і крымінальнай адказнасці падлеткаў на інфармацыйных гадзінах, а старшаснікі прысвяцілі дадзенаму пытанню класныя гадзіны.
20 верасня ва ўстанове адукацыі прайшоў агульнашкольны бацькоўскі сход «Забеспячэнне бяспекі дзяцей — агульны клопат». Перад прысутнымі выступілі Грышкевіч Ірына Аляксандраўна, намеснік старшыні камісіі па справах непаўналетніх, якая засяродзіла ўвагу на прафілактыцы алкагалізму сярод падлеткаў, а таксама на прафілактыцы жорскасці і насілля ў дачыненні да непаўналетніх. Пытанні прафілактыкі ўжывання наркатычных сродкаў, выканання Правілаў дарожнага руху ў сваім выступленні асвяціў Клімашэвіч Віктар Мікалаевіч, начальнік Інспекцыі па справах непаўналетніх.
З мэтай фарміравання жыццяўстойлівых пазіцый у падлеткаў, падахвочванне да разважанняў аб каштоўнасці чалавечага жыцця і непаўторнасці свайго ўласнага жыцця ў школе прайшоў Тыдзень «Мастацтва жыць». Вучні прынялі ўдзел у занятку з элементамі трэнінгу «Вучымся думаць пазітыўна”, малявалі свае шчаслівыя мары. Завяршыўся тыдзень акцыяй “Усмешка на дзень – усмешка на ўсё жыццё”. 