Піянеры 5-6 класаў у 2022/2023 навучальным годзе сталі ўдзельнікамі аб’яднання па інтарэсах «Акадэмія піянера-лідара». На працягу года удзельнікі аб’яднання па інтарэсах будуць тэарэтычна і практычна знаёміцца з дзейнасцю ГА «БРПА», а таксама выступаць у ролі арганізатараў піянерскіх конкурсаў і мерапрыемстваў. І вось ужо 21 кастрычніка піянеры падрыхтавалі для вучняў 2 класа свята «Вітаем новых акцябрат».
21 кастрычніка, у трэці чацвер месяца» вучні школы прынялі ўдзел у акцыі «Флікер – твой надзейны сябар”. Спачатку члены атрада Юных інспектараў дарожнага руху сумесна з членамі школьнага атраду правапарадку «Віцязі» праверылі наяўнасць флікераў у вучняў і работнікаў школы, а затым старасты яшчэ раз нагадалі вучням аб неабходнасці наяўнасці флікераў у цёмны час сутак, пазнаёміўшы з памяткай «Навошта кожнаму з нас флікер».
21 кастрычніка ў святочнай абстаноўцы піянерская дружына імя П.І.Клімука папоўнілася новымі акцябрамі, вучнямі 2 класа. Але спачатку акцябратам давялося прайсці выпрабаванні ад гасцей свята, з якімі ім дапамаглі справіцца акцябраты 3 і 4 класа. Падчас свята новыя акцябраты прымалі віншаванні ад старшыні піянерскай дружыны Ганны Губарык, ад сакратара школьна пярвічнай арганізацыі ГА «БРСМ» Ангеліны Жур, ад намесніка дырэктара па выхаваўчай рабоце А.А.Фядотавай, і канечне, ад самога Вогніка.
20 кастрычніка ў рамках Тыдня акцябрат «Зорачкі дзяцінства» сярод акцябрат прайшоў дружынны этап «Па слядах Перамогі». Тры каманды акцябрат згодна з маршуртнымі лістамі праходзілі розныя выпрабаванні на кемлівасць, спрытнасць, адказвалі на пытанні квіза пра падзеі Вялікай Айчыннай вайны, і ўсё гэта неабходна было рабіць як мага хутчэй. Каманды на ўсіх этапах суправаджадлі члены пярвічнай арганізацыі ГА «БРСМ», але не падказвалі, таму што галоўнай умовай гульні была сумленнасць. У выніку перамогу святкавала каманда «Нашчадкі», якая і будзе абараняць гонар школы на раённым этапе квэсту.
14 кастрычніка старшакласнікі наведалі інфармацыйныя гадзіны «Памяці ахвярам Брэсцкага гетта», прымеркаваныя да 80-годдзя з дня пачатку масавага знішчэння вязняў Брэсцкага гетта ў перыяд акупацыі горада ад нямецка-фашчысцкіх захопнікаў». Колькі б не мінула гадоў, мы павінны памятаць пра тыя трагічныя падзеі Вялікай Айчыннай вайны, зрабіць усё магчымае, каб нічога падобнага не паўтарылася на Зямлі, і памятаць. Сённяшні 7 урок стаў для старшакласнікаў не проста ўрокам у школе, а ўрокам жыцця, і дапаможа зрабіць правільныя высновы і тварыць на карысць нашай мірнай краіны.
Пiянеры дружыны iмя П.I.Клiмука Шолахава Кацярына і Казачэнка Яна прыняліудзел у лiтаратурным чэленджы #Льеццамова у рамках тыдня роднай мовы «Як ты дорага мне,мая родная мова».
Нас многа і мы разам! 17 верасня наша краіна адзначае Дзень народнага адзінства. Піянеры і акцябраты дружыны імя П.І.Клімука разам з членамі ГА «БРСМ» далучыліся да акцыі «Я-патрыёт».
16 верасня, напярэдадні Дня народнага адзінства, у школе прайшла традыцыйная лінейка, на якой пасля слоў віншавання дырэктара, школьнікі і педагогі разам выканалі вгімн Рэспублікі Беларусь. Лінейка завяршылася музычным падарункам ад піянераў школьнай дружыны. Пасля лінейкі ў класах прайшлі адзіныя ўрокі «Дзень народнага адзінства», вучні 8 — 11 класаў прынялі ўдзел у Рэспубліканскім дыктанце, прымеркаваным да Дня народнага адзінства. На працягу дня жадаючыя маглі далучыцца да акцыі «Я-патрыёт», ініцытарам якой выступіла ГА «БРПА».
