Сёння вучні наведалі майстар-клас «Першая дапамога. Спосабы накладання павязак», спаборніцтвы па піянерболу, мультурок «Здаровы лад жыцця», гурткоўцы «Усмешкі» пачалі працаваць над казкай «Прыгоды Мядзведзя». Таксама сёння прайшла гульня па станцыях “Мы за пазітыўнае і здаровае жыццё” у рамках праекта «Наш выбар — жыць з пазітывам».
7 сакавіка хлопчыкі школы падрыхтавалі для ўсіх дзяўчынак, сястрычак, матуль і бабуль святочны канцэрт «8 сакавіка — Дзень урачысты…»: чыталі вершы, танцавалі, спявалі песні. Канечне, дзяўчынкі таксама ім дапамагалі. Канцэрт атрымаўся па-сапраўднаму святочным, а яшчэ вясёлым, вясеннім і вельмі яскравым ад усмешак і ўдзельнікаў, і гледачоў.
6 сакавіка ўстанову адукацыі з прафарыентацыйнай гутаркай наведалі прадстаўнікі Івацэвіцкага дзяржаўнага прафесійнага ліцэя сельскагаспадарчай вытворчасці.
Першая субота сакавіка была прысвечана карысным справам. І пасля гадзіны зносін «Карысныя справы кожнаму прыемныя» вучні прынялі ўдзел у акцыях «Абеліск» і «Клопат». Таксама сёння акцябронак Антон Вахновіч, піянер Міхаіл Усік і важаты Святлана Сцяпанаўна Чабацько прынялі ўдзел у раённым этапе Рэспубліканскага конкурсу лідэраў “СуперТройка”, дзе занялі 1 месца! Дапамагалі ім у гэтым вучань 1 класа Іван Усік і намеснік дырэктара па выхаваўчай рабоце А.А.Фядотава.
1 сакавіка ў рамках Сусветнага дня грамадзянскай абароны ва ўстанове адукацыі прайшла практычная адпрацоўка планавай эвакуацыі, таксама класныя кіраўнікі правялі інфармацыйныя веснікі «Паведамленне аб небяспецы і дзеянні ў дадзенай сітуацыі».
У чацвёрты чацвер месяца вучні 8-11 класаў наведалі адзіны дзень інфармавання «Ганаровае званне — абаронца Айчыны», падчас якога разгледзелі і абмеркавалі наступныя тэмы «Узброеныя Сілы Рэспублікі Беларусь», «Афганістан: незабытая вайна (30 гадоў вываду войскаў з Афганістана)», «Падрыхтоўка кваліфікаваных ваенных кадраў».
Вучні 8-11 класаў сталі ўдзельнікамі гадзіны зносін «Правілы бяспечных паводзін у сетцы Інтэрнэт. Мая адказнасць за ўчыненне злачынстваў і правапарушэнняў у сферы высокіх тэхналогій», якая праводзілася ў рамках адзіных дзён прафілактыкі «Падлетак і закон: вывучаем, ведаем, выконваем!».
