Свята «Масленіца прыйшла»
Свята Масленіцы ў пачатковых класах прайшло весела, цікава і смачна. Пасля конкурсаў ад пані Масленіцы і яе братоў: дзён тыдня ўсе сабраліся на блінны салодкі стол, дзе за кубачкам гарбаты разгадвалі загадкі, знаёміліся с прыкметамі вясны і весела праводзілі час.
Суботні дзень здароўя
Сёння вучні наведалі майстар-клас «Першая дапамога. Спосабы накладання павязак», спаборніцтвы па піянерболу, мультурок «Здаровы лад жыцця», гурткоўцы «Усмешкі» пачалі працаваць над казкай «Прыгоды Мядзведзя». Таксама сёння прайшла гульня па станцыях “Мы за пазітыўнае і здаровае жыццё” у рамках праекта «Наш выбар — жыць з пазітывам».
8 сакавіка — Дзень урачысты
7 сакавіка хлопчыкі школы падрыхтавалі для ўсіх дзяўчынак, сястрычак, матуль і бабуль святочны канцэрт «8 сакавіка — Дзень урачысты…»: чыталі вершы, танцавалі, спявалі песні. Канечне, дзяўчынкі таксама ім дапамагалі. Канцэрт атрымаўся па-сапраўднаму святочным, а яшчэ вясёлым, вясеннім і вельмі яскравым ад усмешак і ўдзельнікаў, і гледачоў.
Сустрэча з прадстаўнікамі Івацэвіцкага дзяржаўнага прафесійнага ліцэя сельскагаспадарчай вытворчасці
6 сакавіка ўстанову адукацыі з прафарыентацыйнай гутаркай наведалі прадстаўнікі Івацэвіцкага дзяржаўнага прафесійнага ліцэя сельскагаспадарчай вытворчасці.
Суботні дзень карысных спраў
Першая субота сакавіка была прысвечана карысным справам. І пасля гадзіны зносін «Карысныя справы кожнаму прыемныя» вучні прынялі ўдзел у акцыях «Абеліск» і «Клопат». Таксама сёння акцябронак Антон Вахновіч, піянер Міхаіл Усік і важаты Святлана Сцяпанаўна Чабацько прынялі ўдзел у раённым этапе Рэспубліканскага конкурсу лідэраў “СуперТройка”, дзе занялі 1 месца! Дапамагалі ім у гэтым вучань 1 класа Іван Усік і намеснік дырэктара па выхаваўчай рабоце А.А.Фядотава.
