Заданне 6.2. па тэме «Інфармацыйна-экалагічныя мерапрыемствы па рабоце з мясцовай супольнасцю»: размяшчэнне ў агульнадаступных месцах для мясцовага насельніцтва нагляднага прыродаахоўнага інфармацыйнага матэрыялу
У красавіку ўдзельнікі праекта «Зялёныя школы» выканалі заданне 6.2. па тэме «Інфармацыйна-экалагічныя мерапрыемствы па рабоце з мясцовай супольнасцю (экалагічныя ініцыятывы)»:стварылі памяткі, лістоўкі, плакаты. Атрыманыя «напаміналкі» яны не толькі размясцілі ў агульнадаступных месцах, але і раздалі мясцоваму насельніцтву.
Інфармацыйныя гадзіны «Чарнобыль-трагедыя, подзвіг, папярэджанне»
27 красавіка ва ўстанове адукацыі прайшлі інфармацыйныя гадзіны, прысвечаныя Дню Чарнобыльскай трагедыі. Чарнобыль… Ва ўсім свеце назва гэтага невялікага ўкраінскага горада, размешчанага ў сямі кіламетрах ад паўднёвай мяжы Беларусі, вось ужо больш трох дзесяцігоддзяў асацыіруецца з найбуйнейшай за ўсю гісторыю чалавецтва тэхнагеннай катастрофай. 26 красавіка 1986 года выбух рэактара на Чарнобыльскай АЭС, па выкідзе радыенуклідаў раўнацэнны 50 скінутым на Хірасіму атамным бомбам, нанёс жорсткі ўдар па лёсах мільёнаў людзей.
Заданне 3.4. па тэме «Водазабеспячэнне»: вывучэнне спажывання вады дома ў рамках праекта «Зялёныя школы»
У красавіку удзельнікі праекта «Зялёныя школы» выканалі заданне 3.4. па тэме «Водазабеспячэнне». Хлопчыкі і дзяўчынкі правялі вывучэнне спажывання вады дома, а таксама распрацавалі памяткі «Навошта берагчы ваду?»
З 19 красавіка па 24 красавіка ў школе праходзіў Тыдзень экалогіі
Тыдзень экалогіі ва ўстанове адукацыі адкрыўся з экалагічных марафонаў “У гасцях у Лесавічка” (для вучняў пачатковых класаў) і “Полна загадок чудесница-природа” (для вучняў 5 — 11 класаў). Таксама прайшлі прагулка-назіранне “Сябры нашыя птушкі” і акцыя “Чысты двор”.
Конкурс агітбрыгад «Беражы гэты свет»
Фінальным мерапрыемствам тыдня экалогіі стаў конкурс агітбрыгад «Беражы гэты свет». Наглядна, эмацыянальна і, галоўнае, даступна для аднагодкаў, школьнікі ў сваіх выступленнях даносілі важную думку: ахова навакольнага асяроддзя неабходная для выжывання самога чалавецтва, а прырода нашай планеты ўнікальная і яе цяжка аднавіць. Конкурс называўся «Беражы гэты свет»і гэтая фраза выказала стаўленне дзяцей да экалагічных праблем планеты. Сярод вучняў пачатковых класаў лепшымі сталі агітбрыгады 1 і 4 класаў, а сярод старэйшых — 5 і 8 класаў.