З 22 лютага па 26 лютага вучні V-VII класаў у рамках работы адукацыйнага праекта «ШАГ» наведалі дыялог-спрэчку «Моладзевыя субкультуры: самавыяўленне ці пратэст?».
Трэці чацвер у лютым быў прысвечаны бяспечнаму пераходу дарогі. Вучні школы наведалі інтэрактыўны занятак «Бяспечны пераход», які падрыхтавалі члены атрада ЮІД «Светлафор» у рамках работы праекта «АП ПДД».
У рамках рэспубліканскай дэкады грамадзянска-патрыятычных спраў “Афганістан у лёсах нашых землякоў” прашлі інфармацыйныя веснікі «Далёкае рэха Афганскай вайны», на якіх вучні ўзгадалі пра падзеі вайны ў Афганістане ў 1979-1989 гг, пагутарылі пра лёсы воінаў-інтэрнацыяналістаў, а таксама здзейснілі завочнае падарожжа па мемарыяльнаму комлексу «Востраў мужнасці і смутку». Жадаючыя маглі наведаць кніжную выставу «Афганістан — дарога памяці».
У лютым удзельнікі праекта «Зялёныя школы» выканалі заданне 3.1. па тэме «Водазабеспячэнне». Хлопчыкі і дзяўчынкі правялі вывучэнне спажывання вады ва ўстанове адукацыі, адзначылі месцы спажывання вады і атрыманыя схемы размясцілі на першым і другім паверсе школы.
11 лютага піянеры школы правялі вучны часопіс «Агеньчык памяці». Мерапрыемства было прымеркавана да Дня юнага героя-антыфашыста. Актыў дружыны не толькі расказаў пра піянераў-герояў , але і правёў майстар-клас па вырабу «Жураўлікаў міру».
У рамках работы праекта «Зялёныя школы» вучні прынялі ўдзел у конкурсе малюнкаў «Адновім нашу Зямлю» у рамках праекта «Уцягванне грамадскасці ў экалагічны маніторынг і паляпшэнне кіравання аховай навакольнага асяроддзя на мясцовым узроўні».
5 лютага каманда акцябрат школы «Ой, да ладненько» прыняла ўдзел у раённым этапе інтэлектуальна-забаўляльнай гульні ГА “БРПА” “Піянерскі квіз”. Удзельнікаў чакала шэсць тураў «Матэматычны патруль», «У гасцях у казкі», «У свеце прафесій», «Музычная старонка», «Хутка-хутка Новы год» і «Дружныя рабяты».
З 25 па 29 студзеня ў V-VII класах прайшлі круглыя сталы «Закон суровы, але гэта — Закон!» у рамках праекта Школа Актыўнага Грамадзяніна. Вучні звярнулі ўвагу на правы, абавязкі і адказнасць дзяцей згодна з заканадаўствам Рэспублікі Беларусь; паразважалі над сітуацыямі «свавольства», «злачынства», «правапарушэнне».
28 студзеня старшакласнікі сустрэліся на адзіным дні інфармавання «ШАГ» – «Школа Актыўнага Грамадзяніна» па тэме «Беларуская навука: у нагу з часам». Падчас сустрэчы вучні пазнаёміліся з дасягненнямі беларускай навукі, а таксама абмеркавалі свой уклад у развіццё беларускай навукі.
21 студзеня ў Адзіны дзень ведаў Правілаў дарожнага руху вучні школы наведалі гадзіны зносін «У зоне ўвагі — дзеці-пасажыры», дзе яшчэ раз паўтарылі правілы паводзін пасажыраў у салоне транспартных сродкаў, абмеркавалі абавязковую неабходнасць выкарыстання рэменяў бяспекі, а таксама адказалі на пытанні віктарыны «Адказны пасажыр — гэта я».