11 снежня прайшлі мерапрыемствы ў рамках Тыдня прававых ведаў. Вучні пачатковых класаў прынялі ўдзел у гульні-віктарыне «Мае правы», а вучні 5- 8 класаў падарожнічалі па дзіцячым прававым сайце mir.pravo.by. Усе жадаючыя маглі прыняць удзел у конкурсе малюнкаў «Я і мае правы» і спартыўных гульнях.
Тыдзень пачаўся з інфармацыйных гадзін “1 снежня – Сустветны дзень барацьбы са СНІДам”. Таксама для ўсіх вучняў школы прайшлі акцыя «Сустветны дзень барацьбы са СНІДам» і тэматычныя класныя гадзіны, а старшакласнікі наведалі кіналекторый “Мы супраць наркотыкаў і ВІЧ-інфекцыі”.
Лістападаўская сустрэча членаў атрада «Бумеранг. Дабро заўсёды вяртаецца» была прысвечана фокусам. Піянеры склададалі партрэт сапраўднага фокусніка, даведвадліся сакрэты фокуснікаў, а таксама склалі скарбонку з фокусамі. На апошнім тыдні лістапада хлопчыкі і дзяўчынкі арганізавалі для акцябрат свята фокусаў. І кожны яшчэ раз паверыў у цуда!
Новы месяц прынёс акцябратам новыя выпрабаванні. Спачатку каманда «Дзьмухаўцы» вучыліся арыентавацца ў прыродзе, затым наведалі паляну кемлівых, дзе з літар лёгка склалі назвы раслін, жывёл і птушак. Падчас задання «Мова жэстаў» акцябраты жэстамі растлумачвалі «Пятніцам» фразы. Апошняе заданне «Крос Турызм» дазволіла камандзе знайсці новую падказку ў кабінеце №8. Усе заданні «Дзьмухаўцы» занатавалі ў дзённіку і ўжо гатовыя выконваць заданні снежня. Прыгоды працягваюцца!
27 лістапада ў школе прайшоў суботні дзень барацьбы са шкоднымі звычкамі. Вучні пачатковай школы адкрывалі сакрэты здаровага ладу жыцця падчас мультурока, а таксама прынялі ўдзел у конкурсе малюнкаў “Скажы шкодным звычкам “НЕ!”. Вучні 5 — 8 класаў сталі ўдзельнікамі ток-шоу «Не спрабаваць – не пачынаць!”. У рамках акцыі «Дэкада кібербяспекі» прашлі кіналекторыі «Як не стаць ахвярай кіберзлачынцаў”. Для ўсіх жадаючых прайшоў чэмпіянат па разгадванню крыжаванак “Маё здароўе ў маіх руках” .
Вучні школы з 22 па 27 лістапада прымалі ўдзел у мерапрыемствах Тыдня барацьбы з курэннем, які прашоў у рамках праекта «Здаровы горад (пасёлак) Брэстчыны без тытуню!». У рамках тыдня прайшлі класныя тэматычныя гадзіны, конкурс газет “Дзеці супраць курэння», турнір па надзіманню паветраных шароў “Падары сабе чыстыя лёгкія” і інш. Усе жадаючыя маглі наведаць выставу «За свет без тытунёвага дыму». Завяршыўся тыдзень шостым школьным днём — Днём барацьбы са шкоднымі звычкамі.
У рамках падрыхтоўкі да каманднай алімпіяды па інфармацыйнай бяспецы сярод навучэнцаў устаноў агульнай сярэдняй адукацыі Брэсцкай вобласці з 22 па 27 лістапада ва ўстанове адукацыі прайшоў Тыдзень бяспекі ў сетцы Інтэрнэт. На працягу тыдня вучні прыялі ўдзел у розных мерапрыемствах: круглым стале “Правапарушэнні і злачынствы ў сетцы Інтэрнэт – прававая адказнасць”, конкурсе малюнкаў “Бяспечны інтэрнэт вачамі дзяцей”, праглядзе і абмеркаванні відэаролікаў «Як не стаць ахвярай кіберзлачынцаў”, “Этыка і правілы зносін у Інтэрнэце”, а таксама наведалі інфармацыйную пляцоўку “Кібербяспека. Важна пра важнае”.
