5 лютага каманда акцябрат школы «Ой, да ладненько» прыняла ўдзел у раённым этапе інтэлектуальна-забаўляльнай гульні ГА “БРПА” “Піянерскі квіз”. Удзельнікаў чакала шэсць тураў «Матэматычны патруль», «У гасцях у казкі», «У свеце прафесій», «Музычная старонка», «Хутка-хутка Новы год» і «Дружныя рабяты».
Студзень для каманды «Дзьмухаўцы» стаў месяцам інтэлектуальным, таму што акцябраты выконвалі заданні опцыі «Умняшы». На гэты раз каманда спаборнічала супраць школьнай каманды інтэлектуалаў «Ой, да ладненько».
Удзельнікі праекта «Пазнай Беларусь» Басак Марыя і Рустам Мірзаеў у студзені не толькі прыгатавалі стравы з беларускай нацыянальнай кухні, а яшчэ падзяліліся сакрэтамі іх прыгатавання ў сацыяльных сетках і запрасілі на беларускія вячэры родных і сяброў.
У студзені «мурашы» павінны былі рашыць экалагічныя задачы. Але адна справа працаваць з лічбамі, а іншая – дачакацца і ўбачыць, што стане з канкрэтным фанцікам ад цукеркі ва ўмавах экасістэмы. Не толькі тэарэтычна, але і практычна ЭкаЦімураўцы высвятлялі, што адбываееца з кінутым смеццем у прыродзе, зрабіўшы асабістую міні-лабараторыю.
Удзельнікі праекта «Пазнай Беларусь» Басак Марыя і Рустам Мірзаеў паспяхва выканалі заданне снежня і стварылі свае цацкі з выкарыстаннем беларускага арнаменту.
Заданне снежня «Птушыная сталоўка» для ЭкаЦімураўцаў-мурашоў гучала так: «Вывучыце птушак, занесеных у Чырвоную кнігу Рэспублікі Беларусь. Адкажыце на пытанні віктарыны «Па старонках Чырвонай кнігі. Птаства».
Заданнем снежня для каманды акцябрат «Дзьмухаўцы» стала спартыўнае свята «Спартыўныя рабяты». У гэтым месяцы «Дзьмухаўцы» спаборнічалі з камандай акцябрат 2 класа. Эстафета з мячамі, скачкі на скакалцы, бег у абручах — кожны конкурс стаў сапраўдным выпрабаваннем на сяброўства і ўзаемадапамогу для ўсіх хлопчыкаў і дзяўчынак. У выніку, перамогу атрымала каманда «Дзьмухаўцы». І цяпер нашы акцябраты — спартыўныя рабяты!
5 снежня, у Міжнародны дзень валанцёра, прайшлі забаўляльна-інтэлектуальныя гульні «Акцябрацкі квіз» і «Піянерскі квіз». Акцябраты і піянеры не толькі праверылі свае веды, але і весела правялі час.
