У сакавіку атрад акцябрат сустрэўся з сапраўднымі турыстычнымі перашкодамі. Спачатку разбіраліся з турыстычнай экіпіроўкай, выбіраючы групавую і асабістую. Затым тэарэтычна і практычна знаёміліся з турыстычнымі вузламі. Пасля вузлоў усіх чакала выпрабаванне «Палатка». Экіпіроўка складзена, вузялкі завязаны, палатка пастаўлена і самы час зварыць юшку. На жаль, надвор’е не дазволіла зварыць сапраўдную юшку, але ў дзённіку цяпер есць яе рэцэпт і таму у маі рабінзоны з лёгкасцю змогуць яе зварыць. Апошнім заданнем стаў «Компас», падчас якога акцябраты склалі карту будучага паходу. Выпрабаванні пройдзены, і Рабінзон чакае хлопчыкаў і дзяўчынак у красавіку.

Піянеры каманды «Ой, да ладно» 12 сакавіка онлайн прадстаўлялі Брэскую вобласць на фінале чацвертага сезона інтэлектуальна-забаўляльнай гульні «Піянерскі квіз». Гульня атрымалася захапляльнай, эмацыянальнай і цікавай. Усе фіналісты 19 мая збяруцца ў г.Мінску і стануць удзельнікамі Рэспубліканскага фестывалю «Тэрыторыя дзяцінства», прысвечанага 100 годдзю піянерскага руху.

У лютым цімараўцам атрада «Бумеранг. Дабрыня заўсёды вяртаецца» неабходна было правесці «Сустрэчу на ўсе 100», на якой неабходна было пазнаёміцца з інтэрактыўнымі пляцоўкамі, актыўнасцямі, якія я ны падразумяваюць. Другім этапам стала правядзенне такіх пляцовак падчас святаў, прымеркаваных да Дня абаронцаў Айчыны.

Прыгоды маленькіх рабінзонаў працягваюцца. Падрыхтоўка да паходу ў лес — справа нялёгкая, але вельмі патрэбная і вельмі адказная. У лютым акцябраты сталі ўдзельнікамі спартландыі, дзе паспяхова справіліся з усімі заданнямі. Эстафеты пройдзены, а значыць Рабінзон кліча наперад!