Вось і падышлі да завяршэння прыгоды каманды «Дзьмухаўцы» і іх сябра Рабінзона Круза. Акцябраты адказна падыходзілі да выканання ўсіх заданняў на працягу года, таму фінальнае майскае заданне стала сапраўдным турыстычным святам. Пасля выбару маршруту руху юныя рабінзоны разбілі ўласны лагер, па дарозе назбіраўшы «Прыродную аптэку». Цэнтральнай падзеяй стала вогнішча, бо вогнішча-гэта больш, чым агонь. Гэта цэнтр турыстычнага лагера. Гэта сухое адзенне і гарачая вада. Гэта месца зносін, цяпло і ўтульнасць. Але вогнішча-гэта яшчэ і акумулятар бадзёрасці і энергіі. Ні адно падарожжа, ні адзін паход не абыходзіцца без вогнішча. Калі ёсць вогнішча, значыць будзе і турыстычная кухня. Акцябраты выканалі ўсе заданні мая, атрымалі апошні пазл карты рабінзонаў і, склаўшы іх, прачыталі пасланне пра далейшы лёс Рабінзона Круза. Гульня пройдзена, а наперадзе акцябрат чакаюць новыя прыгоды ў краіне Піянерыі, але гэта ўжо зусім іншая гісторыя…

На працягу тыдня піянеры і акцябраты школы прынялі ўдзел у конкурсах і мерапрыемствах, прысвечаных 100-годдзю з дня ўтварэння піянерскай арганізацыі. Лепшымі ў піянерскім марафоне «Мы-грамадзяне краіны Піянерыя сталі» акцябраты 2 і 3 класа, а таксама піянеры 5 класа. Перможцы раённага і абласных этапаў піянерскага квіза былі ўзнагароджаны дыпломам фіналіста гульні на рэспубліканскім фестывалі «Тэрыторыя дзяцінства», якія праходзіў у г.Мінску. Завяршыўся тыдзень удзелам піянерскай дружыны ў раённым фестывалі БРПА «100 ПІЯНЕРСКІХ ГАДОЎ».

Каманда «Ой, да ладно» піянерскай дружыны імя П.І.Клімука (кіраўнік А.А.Фядотава) прыняла ўдзел у рэспубліканскім фестывалі «Тэрыторыя дзяцінства», прысвечаным 100-годдзю піянерскага руху. Фестываль прайшоў 19 мая ў НВЦ «БелЭкспа». Тэрыторыя дзяцінства», дэвіз якога «Будучыня пачынаецца тут» – першая ў сваім родзе маштабная падзея для дзяцей і падлеткаў у Рэспубліцы Беларусь. На галоўнай фестывальнай сцэне выступілі хэдлайнеры беларускай эстрады, найлепшыя дзіцячыя калектывы.

З 16 мая па 21 мая ў школе праходзіць тыдзень «Піянерыі-100!», які прысвечаны 100-годдзю з дня ўтварэння піянерскай арганізацыі. Тыдзень пачаўся з вялікага піянерскага свята, на якім самым актыўным піянерам і акцябратам школы дырэктар установы адукацыі Сідарук Н.М. урычыла дыпломы. Пасля здачы рапартоў прайшла невялікая канцэртная праграма, дзе выступілі акцябраты, пераможца раённага этапа конкурсу «Піянер года-2022» з групай падтрымкі. Пасля акцябрат і піянераў чакала Акадэмія дваровых гульняў. Завяршылася свята агульным танцам «Тэрыторыя дзяцінства». Старт мерапрыемствам, прысвечаным 100-годдзю піянерыі дадзены яскрава, а значыць і ўвесь тыдзень пройдзе менавіта так.