Цімураўцы.By.Лістапад. Фокусы
Лістападаўская сустрэча членаў атрада «Бумеранг. Дабро заўсёды вяртаецца» была прысвечана фокусам. Піянеры склададалі партрэт сапраўднага фокусніка, даведвадліся сакрэты фокуснікаў, а таксама склалі скарбонку з фокусамі. На апошнім тыдні лістапада хлопчыкі і дзяўчынкі арганізавалі для акцябрат свята фокусаў. І кожны яшчэ раз паверыў у цуда!
Моладзь супраць наркотыкаў
Праблема незаконнага абароту наркатычных сродкаў, псіхатропных рэчываў, іх аналагаў была, ёсць і будзе яшчэ доўга заставацца адной з найважнейшых глабальных сусветных праблем, для якой не існуе тэрытарыяльных, нацыянальных ці іншых межаў.Да таго ж, улічваючы негатыўныя працэсы, якія адбываюцца ў Афганістане, што з’яўляецца дзяржавай, на тэрыторыі якой масава вырабляецца гераін, пагроза бяспекі сусветнай супольнасці ў сферы наркаабароту будзе толькі ўзмацняцца. Менавіта па гэтай прычыне Рэспублікай Беларусь прымаліся і будуць прымацца ўсе магчымыя меры, накіраваныя на спыненне каналаў паступлення наркотыкаў і супрацьдзеянне іх незаконнаму спажывання і распаўсюджвання на тэрыторыі дзяржавы. Сёння гэтыя пытанні знаходзяцца на асаблівым кантролі, што тлумачыцца існуючай у краіне сітуацыяй.
Прафілактыка наркаманіі сярод падлеткаў
Палескія рабінзоны. Лістапад. «Кемлівасць»
Новы месяц прынёс акцябратам новыя выпрабаванні. Спачатку каманда «Дзьмухаўцы» вучыліся арыентавацца ў прыродзе, затым наведалі паляну кемлівых, дзе з літар лёгка склалі назвы раслін, жывёл і птушак. Падчас задання «Мова жэстаў» акцябраты жэстамі растлумачвалі «Пятніцам» фразы. Апошняе заданне «Крос Турызм» дазволіла камандзе знайсці новую падказку ў кабінеце №8. Усе заданні «Дзьмухаўцы» занатавалі ў дзённіку і ўжо гатовыя выконваць заданні снежня. Прыгоды працягваюцца!
Суботні дзень барацьбы са шкоднымі звычкамі
27 лістапада ў школе прайшоў суботні дзень барацьбы са шкоднымі звычкамі. Вучні пачатковай школы адкрывалі сакрэты здаровага ладу жыцця падчас мультурока, а таксама прынялі ўдзел у конкурсе малюнкаў “Скажы шкодным звычкам “НЕ!”. Вучні 5 — 8 класаў сталі ўдзельнікамі ток-шоу «Не спрабаваць – не пачынаць!”. У рамках акцыі «Дэкада кібербяспекі» прашлі кіналекторыі «Як не стаць ахвярай кіберзлачынцаў”. Для ўсіх жадаючых прайшоў чэмпіянат па разгадванню крыжаванак “Маё здароўе ў маіх руках” .
З 22 па 27 лістапада ў школе праходзіў Тыдзень барацьбы з курэннем
Вучні школы з 22 па 27 лістапада прымалі ўдзел у мерапрыемствах Тыдня барацьбы з курэннем, які прашоў у рамках праекта «Здаровы горад (пасёлак) Брэстчыны без тытуню!». У рамках тыдня прайшлі класныя тэматычныя гадзіны, конкурс газет “Дзеці супраць курэння», турнір па надзіманню паветраных шароў “Падары сабе чыстыя лёгкія” і інш. Усе жадаючыя маглі наведаць выставу «За свет без тытунёвага дыму». Завяршыўся тыдзень шостым школьным днём — Днём барацьбы са шкоднымі звычкамі.
З 22 па 27 лістапада ў школе праходзіў Тыдзень бяспекі ў сетцы Інтэрнэт
У рамках падрыхтоўкі да каманднай алімпіяды па інфармацыйнай бяспецы сярод навучэнцаў устаноў агульнай сярэдняй адукацыі Брэсцкай вобласці з 22 па 27 лістапада ва ўстанове адукацыі прайшоў Тыдзень бяспекі ў сетцы Інтэрнэт. На працягу тыдня вучні прыялі ўдзел у розных мерапрыемствах: круглым стале “Правапарушэнні і злачынствы ў сетцы Інтэрнэт – прававая адказнасць”, конкурсе малюнкаў “Бяспечны інтэрнэт вачамі дзяцей”, праглядзе і абмеркаванні відэаролікаў «Як не стаць ахвярай кіберзлачынцаў”, “Этыка і правілы зносін у Інтэрнэце”, а таксама наведалі інфармацыйную пляцоўку “Кібербяспека. Важна пра важнае”.
Тыдзень нямецкай мовы
Тыдзень нямецкай мовы — тыдзень новых магчымасцей
Эфектыўная арганізацыя пазакласнай работы па замежнай мове неабходна для развіцця і падтрымкі цікавасці школьнікаў да вывучэння мовы, фарміравання ў іх станоўчай матывацыі да вучэбна-пазнавальнай дзейнасці, якая ў далейшым уплывае на работу навучэнцаў на ўроках: павышаецца ўпэўненасць ва ўменні карыстацца замежнай мовай як сродкам зносін, а таксама жаданне ўдасканальваць узровень валодання ёй.
Сярод форм арганізацыі пазакласнай работы ў школе асабліва вылучаецца Тыдзень нямецкай мовы, паколькі, па-першае, такая форма з’яўляецца масавай і прадугледжвае ўдзел у ёй вялікай колькасці навучэнцаў, па-другое, змяшчае ў сабе комплекс розных па сэнсе і тэматыцы мерапрыемстваў, накіраваных на далучэнне навучэнцаў да рэалій той краіны, мову якой яны вывучаюць.Тыдзень замежнай мовы — адзін з найважнейшых сродкаў павышэння матывацыі навучэнцаў, які дапамагае развіваць творчыя здольнасці, ствараць камунікатыўнае асяроддзе. Мерапрыемствы тыдня даюць унікальную магчымасць паказаць школьнікам практычнае прымяненне і ролю замежнай мовы ў жыцці сучаснага чалавека.
З 15 па 19 ЛІСТАПАДА ў школе прайшоў тыдзень нямецкай мовы. Уся ўвага была накіравана на павышэнне цікавасці навучэнцаў да вывучэння нямецкай мовы, а таксама знаёмства з культурай, звычаямі і традыцыямі краіны вывучаемай мовы.
Школьнікі змаглі паўдзельнічаць у віктарынах і конкурсах.
