Першая субота новага навучальнага года была прысвечана Дню беларускай пісьменнасці, які ў гэтым годзе сустракае горад Капыль Мінскай вобласці. Для вучняў пачатковых класаў прайшла гадзіна зносін “Францыск Скарына – першадрукар Беларусі”, а старэйшыя сабраліся за круглым сталом «Гісторыя беларускага пісьменства ў асобах».
2 верасня ва ўстанове адукацыі прайшлі мерапрыемствы ў рамках акцыі «Адзіны рэспубліканскі дзень бяспекі»: класныя кіраўнікі правялі вусныя часопісы «У новы навучальны год толькі з бяспечнымі паводзінамі». А у 13 гадзін 05 хвілін у школе была аб’яўлена планавая эвакуацыя.
З мэтай выхавання пачуцця адказнасці за будучае Радзімы, пашырэння і сістэматызацыі ведаў навучэнцаў пра падзеі Другой Сусветнай і Вялікай Айчыннай войн у гэтым навучальным годзе вучні 9 класа у рамках праекта «ШАГ» пачалі вывучэнне гісторыі Вялікай Айчыннай вайны. 2 верасня прайшла першая сустрэча па тэме «Міжнароднае становішча напярэдадні Другой сусветнай вайны».
Новы навучальны 2021/2022 год пачаўся з першага ўрока «Адзінства беларускага народа — аснова незалежнай краіны», прысвечанага Году народнага адзінства. Мэта першага ўрока — стварэнне ўмоў для ўсведамлення навучэнцамі сваёй прыналежнасці да беларускага народа, фарміраванне адказнасці і гатоўнасці дзейнічаць на карысць сваёй Айчыны, выхаванне павагі да гісторыі і традыцый Рэспублікі Беларусь.
1 верасня ў 9.00 прагучаў першы званок для адзіннаццаці першакласнікаў Хараўской сярэдняй школы. Са словамі віншавання да ўсіх прысутных звянуліся дырэктар установы адукацыі Ніна Міхайлаўна Сідарук і кіраўнік справамі Хараўскога сельскага выканаўчага камітэта Аляксандра Аляксандраўна Макарэвіч.
