Тыдзень «9 мая — Дзень Перамогі» адкрыў майстар-клас па вырабе палявых лістоў “Франтавыя лісты-трохвугольнічкі” для вучняў 3-4 класаў, а працягнулі урокі мужнасці “Памяць мацнейшая за час”. Усе класы малявалі «хусцінкі» для традыцыйнай акцыі «Салдацкая хусцінка».
8 мая вучні школы прынялі ўдзел у кінамарафоне «Глядзі і памятай» і ваенна-спартыўнай гульні «Зарніца». Завяршыўся дзень конкурсам малюнкаў “І памятае свет выратаваны…”.
У рамках Тыдня «9 мая — Дзень Перамогі» ў школе прайшоў фестываль ваеннай песні. Кожны клас выступіў з песняй ваенных гадоў. «Кацюша», «Тры танкіста», «Смуглянка»… Цікава і кранальна прайшоў фестываль, прысвечаны песням пра вайну, прысвечаны памяці тых, хто аддаў сваё жыццё за сучасную мірную будучыню. Але ёсць памяць, якой не будзе канца, — гэта памяць падрастаючага пакалення.
Кожны народ ганарыцца перамогай ў барацьбе за свабоду і незалежнасць Радзімы, і свята шануе памяць страт, панесеных у імя гэтых перамог. Сімвалам бязмерных выпрабаванняў беларусаў стала Хатынь, якая прадстаўляе 186 беларускіх вёсак, знішчаных у гады вайны разам з іх жыхарамі. 23 сакавіка ў класах прайшлі інфармацыйныя гадзіны «Гучаць званы Хатыні», якія былі прысвечаны Дню памяці Хатынскай трагедыі.
Справа №7 пачалася ў Дзень памяці і смутку — Дзень пачатку Вялікай Айчыннай вайны. Спачатку выхаванцы лагера наведалі помнік воінам Вялікай Айчыннай вайны ў аг.Харава, а затым сабраліся на гадзіне памяці «22 июня…ровно в 4 утра».
