210 Авіяцыйны палігон
12 снежня навучэнцы 9-11 класаў разам з кіраўніком па ВПВ Скобля Ю. М. і настаўнікам фізічнай культуры Карнялюк В.В. наведалі 210 авіяцыйны палігон в/ч 39212. Салдаты прадэманстравалі разборку і зборку аўтамата акс74у і далі магчымасць вучням зрабіць гэта самім. Таксама ўсе змаглі прымерыць касцюм хімабароны, процігаз, шлем «Скат», бронекамізэльку 4 кл, паглядзелі з чаго складаецца рэчмяшок. Таксама правялі экскурсію па палігоне і паказалі ваенную тэхніку. Усе навучэнцы засталіся пад уражаннем і з добрым настроем.
5 снежня вучні 11 класа правялі экскурсію для навучэнцаў 5 класа «Па матэрыялах расследавання фактаў генацыду беларускага народа». Члены ГА «БРСМ», удзельнікі аб’яднання па інтарэсах «Школьны музей» расказвалі вучням аб ўспамінах ўдзельнікаў і відавочцаў ваенных падзей».
Суботні дзень грамадзянскага і патрыятычнага, духоўна-маральнага выхавання. Для вучняў прайшлі наступныя мерапрыемствы: пазнавальная праграма “Сцежкамі Беларусі”, віктарына «Мая «Беларусь», працавала творчая майстэрня Дзеда Мароза, навучэнцы прынялі ўдзел у біятоне.
18 лістапада для вучняў 2-3 класаў была арганізавана экскурсія ў зал Перамогі і на выставу «Па матэрыялах рассследавання фактаў генацыду беларускага народа» у ДУ “Пружанскі дзяржаўны аграрна-тэхнічны каледж”. Экскурсію для навучэнцаў праводзілі студэнты старэйшых курсаў. Дзеці змаглі дакрануцца да некаторых экспанатаў экспазіцыі, слухалі вельмі ўважліва пра падзеі, якія адбываліся ў гады Вялікай Айчыннай вайны. Па дарозе да Пружанская палаца культуры зайшлі ў сквер імя Гудзімава, дзе знаходзяцца экспанаты ваеннай тэхнікі. Пружанскі палац культуры майстар-клас па саломапляценню. Час прайшоў хутка і цікава.
11 лістапада навучэнцы ўстановы адукацыі наведалі горад Мінск. Незабыўныя ўражанні пакінула экскурсія ў Музей сучаснай беларускай дзяржаўнасці. Дзеці пазнаёміліся з экспазіцыяй музея, якая ахоплівае перыяд сучаснай гісторыі Рэспублікі Беларусь і прысвечана палітычнаму, эканамічнаму, навуковаму, культурнаму і спартыўнаму жыццю краіны. А таксама змаглі прыадчыніць для сябе некаторыя таямніцы стварэння і гісторыі кіно, наведаўшы нацыянальную кінастудыю «Беларусьфільм».
Члены ГА «БРСМ» прынялі ўдзел у традыцыйнай акцыі «Абеліск», прысвечанай 80-годдзю Вялікай Перамогі. Старашкласнікі ачысцілі тэрыторыю помніка у в. Скорцы ад апалага лісця і галінак, сабралі смецце, высадзілі кветкі. Дзякуючы дружнай і зладжанай працы наведзены парадак. Добраўпарадкаванне помнікаў, воінскіх пахаванняў — гэта даніна мужнасці і стойкасці пакаленням, якія прайшлі вайну. Гэта клопат пра будучыню нашага горада, маладое пакаленне павінна ведаць гісторыю і шанаваць памяць продкаў, памятаць, якой цаной дасягнута Перамога.
1 лістапада вучні 7,9,11 класаў з кіраўніком па ВПВ Скобля Ю.М. здзейснілі экскурсію ў Мемарыяльны комплекс «Брэсцкая крэпасць-герой», дзе яшчэ раз паслухалі цікавыя факты з даваеннай гісторыі крэпасці, аб гераічнай абароне Брэсцкай крэпасці летам 41-га, а таксама пра пасляваенны перыяд.
2 лістапада аб’яўлены Днём пазнавальных канікул. У гэты дзень навучэнцы змаглі наведаць вусны часопіс “Маладосць, абпаленая вайной”, зрабіць віртуальнае падарожжа па Музею гісторыі Вялікай Айчыннай вайны, а таксама паўдзельнічаць у спартландыі “Самы хуткі”.
31 кастрычніка — Дзень патрыятычных канікул. У гэты дзень былі прапанаваны вучням віртуальнае падарожжа па МК “Брэсцкая крэпасць-герой”, ваенна-спартыўная гульня “Зарнічка”, вусны часопіс “Маладосць, абпаленая вайной”, акцыя “Абеліск”.
Ва ўстанове адукацыі «Пружанскі дзяржаўны аграрна-тэхнічны каледж» навучэнцы 9,11 класаў на гэтым тыдні наведалі выставу, прысвечаную генацыду беларускага народа ў гады Вялікай Айчыннай вайны. Яе экспазіцыі распавядаюць аб незлічоных бедах і пакутах, якія прынесла Вялікая Айчынная вайна.