У рамках ваенна-патрыятычнага выхавання і 80-годдзя Вялікай Перамогі вучні нашай школы наведалі знакавае месца ў аг.Турна Вялікая, каля будынка школы, дзе пахаваны 15 воінаў Савецкай Арміі, загінуўшых ў ліпені 1941 года пры вызваленні раёна ад нямецка-фашысцкіх захопнікаў і 13 партызан, перапахаваных ў 1982г. У 1962 годзе ўстаноўлена скульптура смуткуючай жанчыны.
25 красавіка навучэнцы Хараўской сярэдняй школы наведалі экспазіцыю ваенна-гістарычнага клуба «За Радзіму!» у г.Пружаны. Кіраўнік клуба В.І. Мацвіенка са сваімі аднадумцамі стварылі месца, дзе можна перанесціся ў гады вайны, даведацца як тады жылі людзі, пра што яны думалі, з якімі цяжкасцямі сутыкаліся, што іх матывавала не здавацца, убачыць рэчы, якімі карысталіся людзі, дакрануцца да гісторыі.
Музейная экспазіцыя, прысвечаная Вялікай Айчыннай вайне, прадстаўлена ў 3-х залах. Віталь Іванавіч стварыў незабыўную атмасферу апускання ў гісторыю, яго апавяданні былі даволі цікавыя. Сам ён быў апрануты ў вайсковую форму. Мы пагрузіліся ў мінулае, прысвечанае Вялікай Айчыннай вайне.
Для кожнага з нас вельмі важна захаваць памяць аб вялікіх людзях, якія здзейснілі воінскія подзвігі. Напярэдадні 80-годдзя Перамогі як ніколі важна расказваць аб пераемнасці пакаленняў. Ваенна-гістарычныя месцы дапамагаюць захаваць жывую сувязь часоў, зрабіць памяць аб вайне не абстрактнай, а асабістай для кожнага.
У рамках правядзення рэспубліканскай дэкады грамадска-патрыятычных спраў “Чарнобыль. Захоўваючы памяць…” у школе праходзяць тэматычныя інфармацыйныя і класныя гадзіны, з мэтай фарміравання ў навучэнцаў культуры беражлівых адносін да гісторыка-культурнай і прыроднай спадчыны краіны праз прыцягненне іх увагі да трагедыі на Чарнобыльскай АЭС, а таксама растлумачванні ролі дзяржавы ў вырашэнні комплекснай задачы па рэабілітацыі і адраджэнню пацярпелых тэрыторый.
21 красавіка навучэнцы і педагогі нашай школы прагледзелі і абмеркавалі фільмы «Лагеры смерці» і «Спаленыя вёскі» ў рамках рэспубліканскай акцыі «Гэта павінен бачыць кожны беларус». Фільмы расказваюць аб трагічным лёсе беларускіх вёсак, знішчаных нямецка-фашысцкімі захопнікамі ў гады Вялікай Айчыннай вайны, і раскрываюць перад гледачамі маштабную карціну трагедыі беларускага народа, які зведаў нечалавечыя пакуты ад рук фашыстаў і, нягледзячы на ўсе іх зверствы, які выстаяў і перамог ворага.
12 красавіка прайшла раённая спартыўна-патрыятычная гульня «Зарнічка — 2025», у якой прыняла ўдзел і каманда нашай школы. Мэта гульні: грамадзянска-патрыятычнае выхаванне падрастаючага пакалення, фізічнае развіццё малодшых членаў піянерскай арганизацыі.
12 красавіка вучні і настаўнікі нашай установы адукацыі прынялі ўдзел у грамадскай акцыі па аднаўленні беларускіх лясоў «Дай лесу новае жыццё!», прымеркаванай да Года добраўпарадкавання і 80-годдзя Перамогі ў Вялікай Айчыннай вайне.
Напярэдадні свята гадавіны Перамогі ў Вялікай Айчыннай вайне для навучэнцаў была праведзена гістарычная гадзіна «Стаялі, як салдаты, гарады-героі». Вучні замацавалі веды аб гарадах-героях Вялікай Айчыннай вайны, успомнілі пра тое, якой высокай была цана перамогі, дзеля якой мільёны савецкіх воін і мірных жыхароў склалі галовы.
