20 лістапада навучэнцы нашай школы наведалі музей Камянецкая вежа з наведваннем выставы «Генацыд беларускага народа». Камянецкая вежа, якая знаходзіцца ў горадзе Камянец Брэсцкай вобласці, – унікальны прыклад сярэднявечнага абарончага дойлідства. Яна ўнікальная тым, што з’яўляецца самым старажытным абарончым збудаваннем на тэрыторыі Беларусі, якое захавалася да нашага часу ў першапачатковым, амаль нязменным выглядзе.
На гэтым тыдні прайшлі інфармацыйныя гадзіны з выкарыстаннем вучэбных дапаможнікаў «Генацыд беларускага народа ў гады Вялікай Айчыннай вайны». Адным з асноўных сродкаў знішчэння беларускага насельніцтва былі лагеры смерці — месцы масавага ўтрымання і знішчэння людзей. Аб гэтым і не толькі ішла размова ў класах…
8 лістапада адбылася чарговая сустрэча з настаяцелем храма «Спорительница хлебов» А.В. Кавальскім. У ходзе гутаркі былі раскрыты духоўныя грані адносін паміж дзецьмі і бацькамі, расказвалі пра традыцыі ў сем’ях, сямейныя каштоўнасці, будавалі «Дом шчасця». Вучні задавалі хвалюючыя іх пытанні і атрымлівалі вычарпальныя адказы.
21 кастрычніка для навучэнцаў 8-11 класаў быў арганізаваны прагляд і абмеркаванне фільма-расследавання АНТ «Вірус нацызму». Фільм «Вірус нацызму» расказвае пра паходжанне і распаўсюджванне нацысцкай ідэалогіі, а таксама пра яе ўплыў на сучаснае грамадства. У фільме паказана, адкуль у падлеткаў узнікае цікавасць да нацыстаў, хто выклікае ім нацысцкія ідэалы і да чаго можа прывесці захапленне, якое здаецца бяскрыўдным на першы погляд. У ходзе абмеркавання фільма, быў зроблены акцэнт на захаванне гістарычнай памяці. Мы памятаем, да чаго прывёў нацызм у гады Вялікай Айчыннай вайны!
10 кастрычніка для навучэнцаў і педагогаў установы адукацыі быў арганізаваны прагляд поўнаметражнага анімацыйнага фільма «Мемарыяльныя комплексы Беларусі».
5 кастрычніка напярэдадні Дня настаўніка ў рамках акцыі «Ніхто не застанецца без увагі». Актывісты ГА «БРПА» і ГА «БРСМ» падрыхтавалі паштоўкі і з добрым настроем адправіліся віншаваць настаўнікаў. Цёплыя словы віншаванняў прымалі ветэраны педагагічнай працы Хараўской сярэдня школы: Юзефовіч А.В., Францэвіч А.В., Васюковіч Л.М., Чарняк Т.Л., Коўшык Н.У., Адамовіч Т.К..
