27 чэрвеня адбылася экскурсія ў мемарыяльны комплекс» Брэсцкая крэпасць-герой » вучняў нашай школы ў рамках мерапрыемстваў прысвечаных 80-годдзю вызвалення Беларусі ад нямецка-фашысцкіх захопнікаў. Экскурсія была арганізавана ў музей абароны Усходняга форта — аднаго з самых магутных і арганізаваных ачагоў супраціўлення ў чэрвені 1941 года.
Сёння акцябраты і піянеры нашай школы павіншавалі Корсака Івана Аляксеевіча ветэрана Вялікай Айчыннай вайны з надыходзячым Днём Незалежнасці Рэспублікі Беларусь. Пажадалі здароўя, міру і доўгіх гадоў жыцця. 
22 чэрвеня дзень Усенароднай памяці ахвяр Вялікай Айчыннай вайны і генацыду беларускага народа (у рамках мерапрыемстваў, прымеркаваных да 80-годдзя з дня вызвалення Рэспублікі Беларусь ад нямецка-фашысцкіх захопнікаў). Выхаванцы прышкольнага лагера «Сонейка» наведалі мітынг-рэквіем «Ніхто не забыты, нішто не забыта…» у аг. Калядзічы. Дзеці ўшанавалі памяць загінуўшых у барацьбе за Радзіму, усклалі кветкі да помніка загінулым аднавяскоўцам.
Для дзяцей сёння дзень выдаўся насычаны: спартландыя «За спартыўную Беларусь», гульня па станцыях «Акцябраты і піянеры вывучаюць Беларусь», а таксама песенны батл «Песні пра малую Радзіму», наведванне школьнай выставы «Па матэрыялах расследавання фактаў генацыду на Пружаншчыне»….
У рамках мерапрыемстваў, прымеркаваных да Года якасці ў прышкольным лагеры ў гэты дзень была праведзена гадзіна зносін «Беларусь — краіна са знакам якасці» спартландыя, а таксама дзеці наведалі Хараўскі клуб-бібліятэку.
31 мая для вучняў школы празвінеў апошні званок, які апавясціў аб заканчэнні навучальнага года. Урачыстыя віншаванні дырэктара школы Сідарук Н.М., пажаданне настаўніцы пачатковых класаў. За плённую працу ў інтэлектуальных і творчых конкурсах, за перамогі ў спартыўных спаборніцтвах у гэтым навучальным годзе вучні атрымалі шматлікія граматы. Вучням, якім споўнілася 14 гадоў было ўручана падарункавае выданне «Я-грамадзянін Рэспублікі Беларусь».
25 мая для навучэнцаў 9,11 класаў прайшла ўрачыстая лінейка «Апошні званок», прысвечаная заканчэнню навучальнага года.
20 мая ў піянерскай дружыне імя П.Клімука прайшоў піянерскі збор, прысвечаны Дню піянерскай дружбы. Урачыстае мерапрыемства прайшло каля помніка загінуўшым аднавяскоўцам. Піянерскую дружыну папоўнілі 10 вучняў 4 класса. Хлопцы і дзяўчынкі пазнаёміліся з правіламі і традыцыямі піянераў.
Напярэдадні Дня піянерыі з мэтай прапаганды дзейнасці дзіцячых арганізацый і аб’яднанняў, фарміравання ідэйна-маральнай і грамадзянска-патрыятычнай культуры падрастаючага пакалення, патрыятычнага выхавання навучэнцаў, папулярызацыі грамадскага дзіцячага руху, абмену вопытам работы дзіцячых арганізацый і аб’яднанняў у працэсе рознабаковых зносін дзіцячых лідэраў 18 мая 2024 года на базе дзяржаўнай установы адукацыі «Сярэдняя школа № 1 г.Пружаны імя Чырванасцяжнай Беларускай ваеннай акругі» прайшоў раённы злёт прадстаўнікоў грамадскага аб’яднання «Беларуская рэспубліканская піянерская арганізацыя».
6 самых актыўных членаў ГА «БРПА» нашай дружыны сталі ўдзельнікамі гэтага мерапрыемства. И атрымалі ўзнагароды за актыўны ўдзел розных конкурсах на працягу гэтага навучальнага года.
