20 чэрвеня актывісты піянерскай дружыны імя П.і. Клімука разам з актывам ГА «БРСМ» прынялі ўдзел у раённай інклюзійнай спартыўнай акцыі «Інклюзійны пікнік», якая праходзіла ў рамках Тыдня моладзі. Актывісты парадавалі ўсіх танцам «Тэрыторыя дзяцінства», а затым выступілі валанцёрамі на пляцоўках. Свята прайшло ярка, цікава, весела і разам з БРПА.
25 мая для выпускнікоў ІХ і ХІ класаў прагучаў апошні званок. Словы віншавання бацькам, выпускнікам, педагагічнаму калектыву прагучалі ад Пстыга Алены Грыгор’еўны, старшыні Хараўскога сельскага выканаўчага камітэта, і дырэктара школы Сідарук Ніны Міхайлаўны. Творчы падарунак падрыхтавалі вучні пачатковых класаў, а таксама актыў піянерскай дружыны і актыў пярвічнай арганізацыі ГА «БРСМ».
20 мая ўпершыню прайшоў фінал раённага конкурсу на лепшую піянерскую дружыну «Мы выбіраем БРПА». Сёння нашы акцябраты і піянеры разам са старэйшым важатым Фядотавай Аляксандрай Аляксандраўнай годна прадставілі дружыну і павезлі дадому пераходны кубак «Правафлангавая піянерская дружына Пружанскага раёна». Акцябраты і піянеры ўсёй дружынай як заўсёды актыўна правялі гэты навучальны год, прынялі ўдзел і атрымалі перамогі ў многіх конкурсах БРПА… і яшчэ раз даказалі, што лепшая дружына Пружанскага раёна-дружына імя П.І.Клімука.
19 мая ў піянерскай дружыне імя П.І. Клімука прайшло традыцыйнае вялікае піянерскае свята, прысвечанае Дню піянерскай дружбы. На свяце прагучалі словы віншавання ад дырэктара школы Сідарук Ніны Міхайлаўны, сакратара п/а ГА «БРСМ» Жур Ангеліны, старшыні Савета дружыны Губарык Ганны. Лепшыя акцябраты і піянеры былі ўзнагароджаны дыпломамі. Галоўнай падзеяй стаў урачысты прыём у піянеры акцябрат 4 класа. У канцы свята рысёнак Вогнік пажадаў усім: «Яркага лета» і ўручыў невялікія падарункі.
Піянеры школы (Саўчук Яўгеній, вучань 8 класа; Губарык Ганна, Чуеў Данііл, Аліфірук Уладзіслаў, Ліштван Лізавета, вучні 7 класа; Усік Іван, Андрусевіч Мацвей, Цямчык Улляна, Ліпіч Вераніка, Кучын Міхаіл, вучні 5 класа) прынялі ўдзел у раённым этапе ваенна-патрыятычнай гульні «Зарніца-2023», дзе занялі 1 месца ў конкурсе «Візітная картка».
Тыдзень пачаўся з адзінага ўрока памяці “Нам гэты свет завешчана берагчы”. Для вучняў пачатковых класаў прайшоў конкурс малюнкаў на асфальце “Няхай не будзе ніколі вайны”, старшакласнікі сустрэліся на інтэрактыўнай віктарыне “Старонкамі Вялікай Перамогі». Жадаючыя наведалі школьны музей з экскурсіяй “Становіцца гісторыяй вайна…”. Таксама прайшла выстава газет «Бітвы Вялікай Айчыннай вайны, якія змянілі ход гісторыі».
Традыцыйна тыдзень «9 мая — Дзень Перамогі» завяршаецца фестывалем ваеннай песні. І гэты навучальны год не стаў выключэннем. На сцэне прагучалі не толькі ваенныя песні мінулых гадоў, але і песні пра мір на зямлі, пра памяць аб вайне. Лепшымі ў пачатковых класах сталі 2 клас і 3 клас. Сярод 5 — 11 клас перамога была ў 7 класа, 9 класа і зборнай 7 -10 класаў. Лепшыя выканаўцы таксама былі адзначаны дыпломамі.
5 мая з мэтай выхавання патрыятычных пачуццяў да сваёй Радзімы, гонару за яе гераічнае мінулае, гатоўнасці служыць на карысць свайго народа, у класах прайшлі адзіныя ўрокі «Нам мір завешчана берагчы». Вучні больш даведаліся пра подзвігі юных герояў у гады Вялікай Айчыннай вайны, а таксама шмат разважалі над адной з галоўных каштоўнасцей на зямлі — над мірам.
