Восеньскія прыгоды ў лагеры «Сонейка». Дзень 6
Апошні дзень у лагеры быў прысвечаны добраму настрою. Сёння для ўсіх жадаючых працавалі горад спартыўных рэкордаў, пляцоўкі «У гасцях у Восені» і «Рознакаляровыя алоўкі». Малодшыя атрады наведалі мультурок «У краіне ўсмешак», а старэйшыя сабраліся за круглым сталом «Жыццё дадзена, каб быць шчаслівым».
Восеньскія прыгоды ў лагеры «Сонейка». Дзень 5
5 лістапада ў лагеры прайшоў Дзень патрыятычных канікул. Хлопчыкі і дзяўчынкі сталі ўдзельнікамі конкурса малюнкаў да Году народнага адзінства, правялі віктарыну «Мая Беларусь», а таксама здзейснілі віртуальнае падарожда па музеях краіны.
Восеньскія прыгоды ў лагеры «Сонейка». Дзень 4
Чацвёрты дзень у лагеры стаў Днём пазнавальных канікул. Сёння выхаванцы згулялі ў «Піянерскі і акцябрацкі квізы», мультурокі «У краіне невывучаных урокаў», а таксама пазнаёміліся са знакамітымі дзецьмі Рэспублікі Беларусь падчас кіналекторыя. На працягу дня прайшоў чэмпіянат па настольных гульнях.
Восеньскія прыгоды ў лагеры «Сонейка». Дзень 3
Трэці дзень у лагеры прайшоў пад дэвізам «Хутчэй! Вышэй! Мацней!» і быў прысвечаны Алімпійскім гульням. Атрады пазнаёміліся з гісторыяй узнікнення Алімпійскіх гульняў, наведалі алімпійскія ўрокі «Беларусы на Алімпійскіх гульнях», а таксама прынялі ўдзел у конкурсе малюнкаў «Мой любімы від спорту.
Восеньскія прыгоды ў лагеры «Сонейка». Дзень 2
Другі дзень ў лагеры «Сонейка» быў прысвечаны вынаходніцтвам. Хлопчыкі і дзяўчынкі не толькі даведаліся аб знакамітых вынаходніцтвах, але і паспрабавалі самастойна «вынайсці патрэбную рэч для грамадства». Таксама сёння прайшла спартландыя «Наперад, да перамог!».
Восеньскія прыгоды ў лагеры «Сонейка». Дзень 1
Першы дзень у лагеры «Сонейка» — Дзень бяспечных канікул. Сёння выхаванцы не толькі вялі гутаркі пра бяспечныя паводзіны ў лагеры, у школе, на вуліцы і дома, на дарозе, але і прынялі ўдзел у спартыўных спаборніцтвах «Скок-шоу» і прагулцы «Сто крокаў здароўя». Галоўнай падзеяй стала свята адкрыцця лагера, дзе кожны атрад атрымаў граматы і маршрутныя лісты восеньскіх прыгод.
Суботні дзень бяспечных паводзін
Апошняя субота першай чвэрці прайшла пад дэвізам «Бяспечныя канікулы-наш выбар!». Яна пачалася з мультурока “Правілы дзяцей на дарозе” і гульні-практыкума “У чым небяспека навушнікаў”, а завяршылася экскурсіяй “Сцежкамі малой радзімы крочым”. Таксама сёння члены ГА «БРСМ » правялі акцыю «Наша дапамога бібліятэцы».
Палескія рабінзоны. Кастрычнік. «Востраў рабінзонаў»
У кастрычніку каманда акцябрат школы «Дзьмухаўцы» пачала падарожжа па рэспубліканскай квэст-гульні з QR кодамі «Палескія рабінзоны». Першымі выпрабаваннямі стала стварэнне ўласнага вугалка рабінзонаў, з якім каманда справілася хутка. Далей усе разам афармлялі першыя старонкі дзённіка, і расшыфроўвалі пісьмо Рабінзона. Заданні»3DD» і «Восеньская прагулка» былі найбольш складанымі, але і цікавымі. Падказка з новым QR кодам была хутка знойдзена і цяпер акцябрат чакаюць новыя лістападаўскія выпрабаванні. Старт дадзены. Поўны наперад!
Школа Актыўнага Грамадзяніна для V-VII класаў: фотаальбом «Сямейныя дынастыі Беларусі»
На гэтым тыдні для вучняў V-VII класаў прайшлі заняткі ў рамках работы Школы Актыўнага Грамадзяніна па тэме «Фотаальбом «Сямейныя дынастыі». Вучні пазнаёміліся з дынастыямі беларусаў, а таксама падрыхтавалі міні-праекты «Мой радавод, мая сям’я». Сустрэчы прайшлі пад дэвізам — «Актыўны грамадзянін шануе і паважае інстытут шлюбу і сям’і, ён — адказны сем’янін».