10 снежня члены Савета Старшакласнікаў — Усік Міхаіл, Марчык Яўген, Барысевіч Ангеліна, Жур Ангеліна разам з педагогам-арганізатарам Ляшчук М.І. прынялі ўдзел у першым этапе рэалізацыі праграмы па сацыяльным праектаванні па метадалогіі «АПШЫФТ», які праходзіў на базе рэсурснага цэнтра «Ступені» у Цэнтры маладзёжнай творчасці ў г.Брэсце.
Тыдзень прафарыентацыі распачалі інфармацыйныя гадзіны “Пра прафесіі на старонках газет і часопісаў», падчас якіх вучні працавалі з артыкуламі прафарыентацыйнай накіраванасці.
Тыдзень прафарыентацыі завяршыўся 7 снежня конкурсам загадак і рэбусаў “Адгадай прафесію” і тэатр-экспромтам “Ярмарка прафесій”.
6 снежня вучні 1-8 класаў наведалі цыркавое прадстаўленне , дзе пазнаёміліся з вясёлымі клоўнамі, неверагоднымі фокуснікамі і іншымі жыхарамі краіны цырка.
6 снежня валанцеры школьнага атрада Чырвонага Крыжа «У рытме дапамогі» правялі для старшакласнікаў інфармацыйную пляцоўку па процідзеянню і папярэджанню гандлю людзьмі.
У суботу вучні школы наведалі Пружанскі палацык, дзе пазнаёміліся з гісторыяй палацыка, а таксама пабывалі каля памятнай лавы народнага майстра-ганчара Антона Такарэўскага, апошняга вядомага майстра, які валодаў старажытнай тэхналогіяй чорнай глянцавай керамікі.
Тыдзень «Мы за здаровае жыццё» пачаўся з кіналекторыя для 8 -11 класаў «Наркаманія. Уся праўда пра ВІЧ», а працягнуўся інфармацыйнымі гадзінамі “1 снежня – Сусветны дзень барацьбы са СНІДам”.
Каманда школы «Ой, да ладненько» (Басак Марыя і Давідзенка Вадзім, 7 клас, Вашчук Ілья і Лаўраш Вікторыя, 6 клас, Вахновіч Антон і Валасовіч Ксенія, 5 клас — удзельнікі аб’яднання па інтарэсах «Інтэлектуалы», кіраўнік Фядотава А.А.) занялі ІІ месца ў абласным асінхронным турніры па гульні “Што? Дзе? Калі?”! Віншуем каманду з дэбютам і заслужаным ІІ месцам!
Субота 20 лістапада запрасіла ўсіх на дзень грамадскіх аб’яднанняў. Сярод вучняў пачатковых класаў былі падведзены вынікі конкурса малюнкаў “Законы акцябрат”, піянеры школы прынялі ўдзел у праграме «Па старонках піянерскага Статута».
