26 студзеня з вучнямі аграрных класаў сустрэўся прадстаўнік Віцебскай ордэна «Знак Пашаны» дзяржаўнай акадэміі ветэрынарнай медыцыны, які паказаў відэролік пра навучанне ў акадэміі, расказаў пра ўмовы паступлення і адказаў на пытанні вучняў.
23 студзеня каманда школы «Ой, да ладно» прыняла ўдзел у ХХІХ Рэспубліканскім чэмпіянаце па настольных гульнях, які праходзіў у Цэнтры моладзевай творчасці ў г.Брэсце. Таксама старшакласнікі наведалі з экскурсійнай праграмай Брэсцкі краязнаўчы музей.
Студзень падрыхтаваў для юных рабінзонаў новыя выпрабаванні пад кодавай назвай «Лясная аптэка». Усё пачалося з задання «Лекавыя расліны», дзе спачатку акцябраты адгадвалі лекавыя расліны, а затым размалёўвалі і размяшчалі іх у дзённіку. Падчас выканання занадння «Першая дапамога» ўсе разам аказвалі дапамогу хворым толькі пры дапамозе лекавых раслін. У сваіх дзённічках хлопчыкі і дзяўчынкі запісалі якімі лекавымі раслінамі і пры якой хваробе неабходна лячыцца. Каб лячыцца лекавымі раслінамі, трэба ўмець іх збіраць. Таму трэцім заданнем стала заданне «Правілы збору лекавых раслін».
22 студзеня ў рамках работы па праекту «Мой выбар — жыць з пазітывам» прайшлі конкурс малюнкаў “Свет, у якім мне хацелася б жыць”, мультурок “Запрашаем у краіну Ералаш”, круглы стол “Шануй сваё жыццё”, гадзіна зносін “Будзем добрымі і не будзем злоснымі”.
Прадстаўнікі Беларускага дзяржаўнага аграрнага тэхнічнага ўніверсітэта расказалі вучням аграрных 10 і 11 класаў аб умовах паступлення і навучання ва ўстанове адукацыі, а таксама адказалі на пытаніі старшакласнікаў.
20 студзеня вучні 8 — 9 класаў сустрэліся з інспектарам Інспекцыі па справах непаўналетніх Кавалёвым У.М., які правёў прафілактычную гутарку аб недапушчэнні супрацьпраўных паводзін, звярнуўшы ўвагу на тэму «Stop.Наркотыкі».
Новы год і Каляды — час чараўніцтва і падарункаў, час, калі здзяйсняюцца самыя запаветныя мары і жаданні. Піянеры і члены ГА «БРСМ» традыцыйна праводзяць навагоднюю акцыю «Цуды на Каляды». Сімвал акцыі-чырвоная рукавічка, якая сімвалізуе імкненне дзяцей і моладзі Беларусі аддаць часцінку цяпла і акружыць клопатам, увагай людзей, асабліва ў навагоднія і калядныя дні. Актывісты ГА «БРПА» і ГА «БРСМ» павіншавалі з навагоднімі святамі вучня школы Неміровіча Нікіту, які навучаецца дома, а таксама падарылі карысныя зімовыя падарункі.
5 студзеня эстафету квіза ў акцябрат перанялі піянеры. Школьная каманда «Ой, да ладно» паспяхова справілася з заданнямі квіза і заняла 1 месца. Віншуем пераможцаў і жадаем поспехаў.
4 студзеня каманда акцябрат школы «Ой, да ладненько» прыняла ўдзел у раённым этапе гульні «Акцябрацкі квіз». Навагодні настрой, складаныя пытанні і цікавыя адказы дапамаглі акцябаратам стаць больш адукаванымі і навучылі працаваць у адной камандзе.
4 студзеня вучні школы наведалі Палац Культуры, дзе пазнаёміліся з дэкатаратыўна-прыкладным мастацтвам Беларусі, а таксама паўдзельнічалі ў майстар-класе па маляванню на дрэве. Пасля вучняў чакалі супрацоўнікі Пружанскага раённага аддзела па надзвычайных сітуацыях, якія пазнаёмілі з прафесіяй выратавальніка-пажарнага.