Чацверты тыдзень мая для вучняў V-VII класаў пачаўся не толькі з урокаў, а яшчэ з наведвання інформ-дайджэста «Беларусь на карце свету». Падчас мерапрыемства хлопчыкі і дзяўчынкі абмяркоўвалі беражлівае стаўленне да навакольнага свету, да сябе, да міжасобасных адносін з равеснікамі і дарослымі, гатоўнасць да сацыяльных дзеянняў у адпаведнасці з нормамі, прынятымі ў сусветнай супольнасці.
Сёння акцябраты і піянеры школы прынялі ўдзел у IX раённым злёце прадстаўнікоў ГА «БРПА». Ва ўрачыстай абстаноўцы акцябратам былі павязаны гальштукі. Актывісты дружыны выступілі на злёце з танцам «Тэрыторыя дзяцінства». Затым усе разам усклалі кветкі да помніка воінам Вялікай Айчыннай вайны.
20 мая ў школе ў рамках Адзіных дзён ведаў Правілаў дарожнага руху прайшла акцыя “Бяспечным дарогам скажам: “Так!”, дзе вучні яшчэ раз успомнілі правілы дарожнага руху не толькі для пешаходаў, але і для веласіпедыстаў і пасажыраў.
«Разам весялей!»- пад такім дэвізам у піянерскай дружыне імя П. І. Клімука прайшоў Дзень піянерскай дружбы. Дзень пачаўся з сонечнага танца пад песню «Тэрыторыя дзяцінства», а працягнуўся акцыяй, падчас якой піянеры і акцябраты зрабілі піянерскі карагод.
Пионерская дружба! Что может быть лучше?
Когда с тобой рядом шагает твой друг!
Давайте дружить вместе все на планете,
И пусть будет мир во всем мире вокруг!
14-15 мая каманда школы «Легіён» прыняла ўдзел у раённай ваенна-патрыятычнай гульня «Зарніца-2021», прысвечанай 80-годдзю пачатку Вялікай Айчыннай вайны.
13 мая вучні VIII-XI класаў наведалі адзіны дзень інфармавання «ШАГ» – «Школа Актыўнага Грамадзяніна». Сённяшняя сустрэча «Глядзі і памятай» была прысвечана 80-годдзю з дня пачатку Вялікай Айчыннай вайны. «22 чэрвеня ў Беларусі адзначаецца Дзень усенароднай памяці ахвяр Вялікай Айчыннай вайны. У гэты дзень у краіне ўспамінаюць тых, хто цаной свайго жыцця выканаў абавязак па абароне Радзімы, усіх загінулых, закатаваных у фашысцкай няволі, памерлых у тыле ад голаду і нягод», — такімі словамі пачалася гутарка па тэме «Перад памяццю час бяссільны». Пасля вучні абмеркавалі фільмы, якія ўжо паспелі паглядзець у рамках рэспубліканскага культурна-патрыятычны кінамарафон «Глядзі і памятай».
9 мая вучні і настаўнікі школы прынялі ўдзел ва ўрачыстым мітынгу да Дня Перамогі. Піянеры і члены ГА «БРСМ» выступілі з рэпрызай «Дзеці вайны…Дзеці міра».
Для вучняў установы адукацыі Тыдзень герба і сцяга пачаўся з наведвання тэматычнай выставы “Дзяржаўныя сімвалы Рэспублікі Беларусь”.
Тыдзень «9 мая — Дзень Перамогі» адкрыў майстар-клас па вырабе палявых лістоў “Франтавыя лісты-трохвугольнічкі” для вучняў 3-4 класаў, а працягнулі урокі мужнасці “Памяць мацнейшая за час”. Усе класы малявалі «хусцінкі» для традыцыйнай акцыі «Салдацкая хусцінка».
8 мая вучні школы прынялі ўдзел у кінамарафоне «Глядзі і памятай» і ваенна-спартыўнай гульні «Зарніца». Завяршыўся дзень конкурсам малюнкаў “І памятае свет выратаваны…”.