Сустрэча цімураўцаў у снежні была прысвечана інтэрактыўным гульням. Піянеры паўдзельнічалі ў майстар-класе «Гульні і дзеці. Дзеці і гульні», які правяла для іх педагог-арганізатар Фядотава А. А., а затым у дзень навагодняга касцюма цімураўцы правялі гульні для акцябрат школы.
У снежні юныя рабінзоны адправіліся ў падарожжа па краіне цудаў. Усё пачалося з «экстрэмальнай сітуацыі», дзе хлопцы павінны былі выбраць толькі 5 прадметаў для жыцця на незаселенай выспе. Працягнулася падарожжа «святочным калейдаскопам» , падчас якога акцябраты рабілі навагоднія маскі, а таксама прадумалі танцавальныя гульні, з якімі выступілі на Дне навагодняга касцюма ў школе. На працягу снежня было выканана заданне «Рабінзанаўскі каляндар». А фіналам стаў шыфр ад Рабінзона, які хлопцы разгадалі пры дапамозе «Семафорнай азбукі». Прыгоды працягваюцца!
24 снежня адбылася сустрэча старшакласнікаў з прадстаўнікамі Беларускай дзяржаўнай акадэміі авіяцыі, якія пазнаёмілі прысутных з умовамі паступлення ў акадэмію, а таксама адказалі на пытанні.
23 снежня старшакласнікі сустрэліся на адзіным дні інфармаванні «Гонар за Беларусь. Хутчэй. Вышэй. Мацней». Падчас мерапрыемства вучні пазнаёміліся з апошнімі дасягненнямі ў галіне спорту і турызму, а таксама здзейснілі віртуальнае падарожжа па турыстычнай Беларусі.
Тыдзень пачаўся з кніжнага парада «Мая будучая прафесія» і конкурса газет «У свеце прафесій». У рамках тыдня Савет старшакласнікаў правёў апытанне «Прафесія, якую я выбіраю», па выніках якога больш за ўсё вучняў мараць стать урачамі, супрацоўнікамі міліцыі і настаўнікамі. Таксама прайшлі тэматычныя класныя гадзіны, а старшакласнікі здзейснілі завочнае падарожжа па сайтах навучальных устаноў “Сярэдне спецыяльныя і вышэйшыя навучальныя ўстановы краіны запрашаюць”.
Падчас снежаньскай сустрэчы на Школе Актыўнага Грамадзяніна вучні V-VII класаў размаўлялі на тэму «Я і малая радзіма». Актыўны грамадзянін неабыякавы да таго, што адбываецца ў яго найбліжэйшым асяроддзі, і гатовы прыкладаць намаганні, каб свет побач з ім станавіўся лепш. Падчас мерапрыемства вучні адказвалі на пытанні віктарыны, разважалі над асабістым укладам у лёс малой радзімы, а таксама правялі конкурс малюнкаў «Усе мы родам з дзяцінства».
16 снежня, у трэці чацвер месяца ў класах прайшлі круглыя сталы «Адказнасць за парушэнне Правілаў дарожнага руху» ў рамках Адзіных дзён ведаў Правілаў дарожнага руху. Падчас сустрэчы вучні ўспомнілі правілы паводзін на дарозе ў зімовы перыяд, а таксама правілы паводзін у грамадскім транспарце, пазнаёміліся з відамі адказнасці за парушэнне Правілаў дарожнага руху.
З 1 па 11 снежня ў школе праходзіў конкурс елак «І вось яна, прыгожая, на свята да нас прыйшла». Елкі атрымаліся ў кожнага ўдзельніка арыгінальнымі і маляўнічымі. 13 снежня былі падведзены вынікі конкурсу, дзе кожны атрымаў грамату. Таксама прыемным сюрпрызам сталі навагоднія сертыфікаты «Антыдвойка», «Без дамашняга задання», «Антыдошка» і інш., якімі вучні могуць скарыстацца на працяну ўсяго гэтага тыдня.
Адкрыла тыдзень адзіная гадзіна прававой інфармацыі “Грошы і правапарушэнні супраць уласнасці”, а працягнула алімпіяда па прававых ведах для старшакласнікаў. На працягу тыдня працавала інфармацыйная пляцоўка “10 снежня – Сусветны дзень правоў чалавека” і прайшлі тэматычныя класныя гадзіны.
