Суботні дзень школьных традыцый і бяспечных паводзін
У рамках шостага школьнага дня ў школе прайшлі наступныя мерапрыемствы: квэст «Маршрутамі бяспекі», круглы стол «Адказнасць за паводзіны, адказнасць за сваё жыццё», пазнавальная праграма «Я адзін дома». Ганна Губарык прыняла ўдзел ў пасяджэнні дзіцячай палаты Пружанскай раённай арганізацыі ГА «БРПА», а таксама нашы спарцмены прынялі ўдзел у раённых спаборніцтвах па лёгкай атлетыцы, дзе Саўчук Яўгеній заваяваў 3 месца па бегу на дыстанцыі 800 метраў. Віншуем і ганарымся!
27 кастрычніка на базе дзяржаўнай установы адукацыі «Сярэдняя школа №4 г. Пружаны » прайшоў раённы чэмпіянат абласнога сінхроннага турніра Што? Дзе? Калі?, у якім прыняла ўдзел каманда нашай школы «Ой, да ладна!».
24 кастрычніка сярод акцябрат піянерскай дружыны імя П.І. Клімука прайшоў дружынны этап інтэлектуальна-забаўляльнай гульні «Акцябрацкі квіз».
Ва ўстанове адукацыі «Пружанскі дзяржаўны аграрна-тэхнічны каледж» навучэнцы 9,11 класаў на гэтым тыдні наведалі выставу, прысвечаную генацыду беларускага народа ў гады Вялікай Айчыннай вайны. Яе экспазіцыі распавядаюць аб незлічоных бедах і пакутах, якія прынесла Вялікая Айчынная вайна.
У рамках тыдня прайшлі тэматычныя інфармацыйныя гадзіны, адзіны ўрок “Цяпло бацькоўскай душы”, школа прыняла ўдзел у раённым конкурсе падзелак дэкаратыўна-прыкладнога мастацтва “Усё нам з татай па плячы”. Паддзелка «Гадзіннік» была выканана Новікам Савеліем і яго бацькам, а таксама вучні падрыхтавалі відэавіншаванні для тат “Для вас, родныя…” і размясцілі іх у сацыяльных сетках.
Сям’я — гэта тыя людзі, якія з табой ад першых хвілін твайго жыцця і да апошніх. Па гэтай тэме і адбыліся сёння сямейныя пасядзелкі «Чароўная сіла сям’і», дзе былі запрошаны бацькі з дзецьмі. Час прайшоў актыўна і творча. Пра «Сямейныя каштоўнасці» дзеці праглядзелі і абмеркавалі відэаролікі, а таксама суботні дзень не абыйшоўся без спартыўных мерапрыемстваў. Сёння гэта былі спаборніцтвы «Самы меткі».
У ходзе гутаркі з навучэнцамі 11 класаў прадстаўнік Пружанскага РАУС Неміровіч Ю.А. правёў прафарыентацыйную гутарку аб арганізацыі ўступнай кампаніі ў навучальныя ўстановы МУС, расказаў аб патрабаваннях і якасцях, неабходных для гэтай прафесіі, аб клопаце дзяржавы аб супрацоўніках праваахоўных органаў, а таксама нагадаў дзецям аб правілах бяспечных паводзін на вуліцы і ў школе, расказаў аб прафілактыцы злачынстваў у сферы палавой недатыкальнасці непаўналетніх, асаблівую ўвагу звярнуў на правілы дарожнага руху, правілы паводзін у сетцы Інтэрнэт, адказнасць непаўналетніх за злачынствы і правапарушэнні.
18 кастрычніка ва ўстанове адукацыі прайшоў Адзіны ўрок у рамках Тыдня бацькоўскай любові, з мэтай фарміравання ўяўлення пра сям’ю і сямейныя каштоўнасці як аснову грамадства; выхаванне пачуцця любові і павагі да бацькоў.