Прафарыентацыйная і прафілактычная сустрэча з навучэнцамі 11 класа з намеснікам начальніка аддзела ўнутраных спраў Пружанскага райвыканкама Неміровічам Ю. А.
У ходзе гутаркі з навучэнцамі 11 класаў прадстаўнік Пружанскага РАУС Неміровіч Ю.А. правёў прафарыентацыйную гутарку аб арганізацыі ўступнай кампаніі ў навучальныя ўстановы МУС, расказаў аб патрабаваннях і якасцях, неабходных для гэтай прафесіі, аб клопаце дзяржавы аб супрацоўніках праваахоўных органаў, а таксама нагадаў дзецям аб правілах бяспечных паводзін на вуліцы і ў школе, расказаў аб прафілактыцы злачынстваў у сферы палавой недатыкальнасці непаўналетніх, асаблівую ўвагу звярнуў на правілы дарожнага руху, правілы паводзін у сетцы Інтэрнэт, адказнасць непаўналетніх за злачынствы і правапарушэнні.
18 кастрычніка ва ўстанове адукацыі прайшоў Адзіны ўрок у рамках Тыдня бацькоўскай любові, з мэтай фарміравання ўяўлення пра сям’ю і сямейныя каштоўнасці як аснову грамадства; выхаванне пачуцця любові і павагі да бацькоў.
Вучні 5 -6 класаў наведалі школьную выставу «Генацыд беларускага народа». Удзельнікі аб’яднання «Школьны музей» расказалі аб некаторых фактах генацыду на нашай тэрыторыі ў гады Вялікай Айчыннай вайны.
13 кастрычніка кіраўнік па ваенна-патрыятычным выхаванні Скобля Ю.М. прымала ўдзел у раённым вучэбна-метадычным аб’яднанні кіраўнікоў па ВПВ на базе УА «Брэсцкі дзяржаўны абласны цэнтр маладзёжнай творчасці».
В Беларуси с 9 октября началась Неделя родительской любви. Во всех первичных профсоюзных организациях стартует Республиканская профсоюзная акция с 9 по 15 октября «Поздравим маму вместе!». Первичная профсоюзная организация ГУО “Хоревская средняя школа” присоединилась к масштабному мероприятию. В ходе проведения данной акции в учреждении была организована тематически оформленная зона активности, где любой желающий мог бесплатно заполнить поздравительную открытку и отправить ее своей маме.
У рамках тыдня Маці ў школе прайшлі тэматычныя класныя і інфармацыйныя гадзіны, навучэнцы пачатковых класаў і іх мамы прынялі ўдзел у фотаконкурсе «Прафесія маёй мамы», на групе падоўжанага дня дзеці зрабілі для сваіх любімых матуль прыгожыя букеты, а завяршыўся тыдзень святочным канцэртам, дзе гасцямі свята былі нашы самыя дарагія матулі.
У школе прайшло пасвячэнне ў першакласнікі ,,Па дарозе ў краіну ведаў», дзе хлопчыкі ажыццявілі падарожжа на цягніку, які вёз іх па станцыях. Навучэнцы спявалі, чыталі вершы, танцавалі, адгадвалі загадкі, сустракаліся з казачнымі персанажамі, што дазволіла ім лёгка дабрацца да пароля, з дапамогай якога яны патрапілі ў пункт прызначэння — Краіну ведаў. Усе дзеці атрымалі медалі, дыпломы, прызы, а таксама дырэктар школы пажадала, каб шлях у краіну ведаў быў для першакласнікаў цікавым і незабыўным.
З мэтай фарміравання экалагічнай культуры і беражлівых адносін навучэнцаў да прыродных рэсурсаў, зніжэння забруджвання акружаючага асяроддзя з дапамогай раздзельнага збора адходаў, папулярызацыі адукацыйнага праекта «Зялёныя школы», 23 верасня ва ўстанове адукацыіі была праведзена акцыя па ўборцы смецця «З клопатам аб прыродзе». Вынікі работы: «Пластык» — 8 кг, «Шкло» — 2 кг, «Метал» — 4 кг, «Астатняе смецце» — 6 кг.
Дзень беларускага пісьменства традыцыйна праводзіцца ў першы тыдзень верасня. У рамках тыдня вучні наведалі інфармацыйны веснік «Краіна сустракае Дзень беларускага пісьменства», для вучняў 8 — 9 класаў правялася інфармацыйная пляцоўка «Я ўзяў і сярэбныя засцежкі адамкнуў, перачытаў радкі кірыліцы прыгожай», вучні пачатковых класаў удзельнічалі ў віктарыне «Зямля пад белымі крыламі», а таксама на працягу тыдня можна было наведаць інтэрактыўную пляцоўку «Родныя словы на роднай мове».