1 красавіка каманда школы онлайн прэзентавала работу па праекту «АП ПДД» у рамках праграмы па сацыяльным праектаванні для падлеткаў і моладзі «АПШЫФТ». Прэзентацыя прайшла ў рамках Рэспубліканскага форума «Горад, дружалюбны дзецям і падлеткам: вынікі, узаемадзеянне, развіццё».
Адзіны дзень ведаў Правілаў дарожнага руху ў сакавіку ў школе быў прысвечаны веласіпедыстам. На другім паверсе школы на працягу дня працавала інфармацыйная пляцоўка «Адчыні сезон без правапарушэнняў, або яшчэ раз пра веласіпеды».
Трэці чацвер у лютым быў прысвечаны бяспечнаму пераходу дарогі. Вучні школы наведалі інтэрактыўны занятак «Бяспечны пераход», які падрыхтавалі члены атрада ЮІД «Светлафор» у рамках работы праекта «АП ПДД».
21 студзеня ў Адзіны дзень ведаў Правілаў дарожнага руху вучні школы наведалі гадзіны зносін «У зоне ўвагі — дзеці-пасажыры», дзе яшчэ раз паўтарылі правілы паводзін пасажыраў у салоне транспартных сродкаў, абмеркавалі абавязковую неабходнасць выкарыстання рэменяў бяспекі, а таксама адказалі на пытанні віктарыны «Адказны пасажыр — гэта я».
Адзіны дзень ведаў Правілаў дарожнага руху ў снежні быў прысвечаны бяспечным зімовым канікулам. Вучні прынялі ўдзел у конкурсе малюнкаў «Я, мае сябры і бяспечная дарога», наведалі інфармацыйныя гадзіны «Бяспечныя зімовыя канікулы. Дарога і вада». Таксама ў класах прайшлі інфармацыйныя веснікі «Бяспечныя зімовыя канікулы».
