Наведванне школьнай выставы «Па матэрыялах расследавання фактаў генацыду беларускага народа»
13 лістапада для вучняў 1 класа і 14 лістапада для вучняў 10 — 11 класаў было арганізавана наведванне школьнай выставы «Па матэрыялах расследавання фактаў генацыду беларускага народа». Экскурсіі правялі члены ГА «БРСМ», кіраўнік і ўдзельнікі аб’яднання па інтарэсах «Школьны музей», якія расказвалі аб некаторых фактах генацыду на нашай тэрыторыі, аб зверствах, учыненых нямецка-фашысцкімі акупантамі ў гады Вялікай Айчыннай вайны.
11 лістапада навучэнцы ўстановы адукацыі наведалі горад Мінск. Незабыўныя ўражанні пакінула экскурсія ў Музей сучаснай беларускай дзяржаўнасці. Дзеці пазнаёміліся з экспазіцыяй музея, якая ахоплівае перыяд сучаснай гісторыі Рэспублікі Беларусь і прысвечана палітычнаму, эканамічнаму, навуковаму, культурнаму і спартыўнаму жыццю краіны. А таксама змаглі прыадчыніць для сябе некаторыя таямніцы стварэння і гісторыі кіно, наведаўшы нацыянальную кінастудыю «Беларусьфільм».
Члены ГА «БРСМ» прынялі ўдзел у традыцыйнай акцыі «Абеліск», прысвечанай 80-годдзю Вялікай Перамогі. Старашкласнікі ачысцілі тэрыторыю помніка у в. Скорцы ад апалага лісця і галінак, сабралі смецце, высадзілі кветкі. Дзякуючы дружнай і зладжанай працы наведзены парадак. Добраўпарадкаванне помнікаў, воінскіх пахаванняў — гэта даніна мужнасці і стойкасці пакаленням, якія прайшлі вайну. Гэта клопат пра будучыню нашага горада, маладое пакаленне павінна ведаць гісторыю і шанаваць памяць продкаў, памятаць, якой цаной дасягнута Перамога.
31 кастрычніка — Дзень патрыятычных канікул. У гэты дзень былі прапанаваны вучням віртуальнае падарожжа па МК “Брэсцкая крэпасць-герой”, ваенна-спартыўная гульня “Зарнічка”, вусны часопіс “Маладосць, абпаленая вайной”, акцыя “Абеліск”.
18 кастрычніка ва ўстанове адукацыі прайшоў Адзіны ўрок у рамках Тыдня бацькоўскай любові, з мэтай фарміравання ўяўлення пра сям’ю і сямейныя каштоўнасці як аснову грамадства; выхаванне пачуцця любові і павагі да бацькоў.
У рамках тыдня Маці ў школе прайшлі тэматычныя класныя і інфармацыйныя гадзіны, навучэнцы пачатковых класаў і іх мамы прынялі ўдзел у фотаконкурсе «Прафесія маёй мамы», на групе падоўжанага дня дзеці зрабілі для сваіх любімых матуль прыгожыя букеты, а завяршыўся тыдзень святочным канцэртам, дзе гасцямі свята былі нашы самыя дарагія матулі.
3 кастрычніка вучні 3 — 4 класаў і іх настаўнікі наведалі школьную выставу «Генацыд беларускага народа». Члены ГА «БРСМ» (удзельнікі аб’яднання па інтарэсах «Школьны музей) і кіраўнік па ВПВ Скобля Ю.М. расказалі вучням аб знішчэнні насельніцтва БССР, зверствах, учыненых нямецка-фашысцкімі акупантамі ў гады Вялікай Айчыннай вайны.
Суботні дзень выдаўся вельмі насычаным і плённым. Ва ўстанове адукацыі прайшла гадзіна зносін «Цана Дня Перамогі», конкурс малюнкаў «Мае любімыя бабуля і дзядуля», працавала «Пошта дабрыні», у рамках якой вучні разносілі паштоўкі ветэранам педагічнай працы да Дня настаўніка, бабулям і дзядулям да дня пажылых людзей, акцыя «Абеліск». Вучні школы здзейснілі экскурсію ў музей-сядзібу «Пружанскі палацык» і музей ДУА «СШ №1 г.Пружаны імя ЧБВА» з наведваннем выстаў па генацыду беларускага народа, а таксама навучэнцы прымалі ўдзел у спаборніцтвах па лёгкаатлетычным кросе.
У рамках мерапрыемстваў да Дня пажылых людзей у школе прайшоў конкурс малюнкаў «Мае любімыя бабуля і дзядуля», працавала творчая майстэрня «Паштоўка для бабулі, паштоўка для дзядулі», пасля якой, вучні адправіліся з акцыяй «Пошта дабрыні» павіншавать бабуль і дзядуль, ветэранаў педагагічнай працы, з днём пажылых людзей і з надыходзячым днём настаўніка.
У мэтах прафілактыкі надзвычайных сітуацый, правапарушэнняў і злачынстваў, навучання паводзінам ва ўмовах пажараў і іншых надзвычайных сітуацый 21 верасня 2023 года ва ўстанове адукацыі праходзіць Адзіны дзень бяспекі. У рамках гэтага мерапрыемства ў школе прайшла трэніровачная эвакуацыя дзяцей і работнікаў на школьны стадыён з будынка школы, а таксама члены ГА «БРСМ» сумесна з ГА «БРПА» правялі агітацыйную работу па распаўсюджванні інфармацыі аб бяспечных паводзінах пры ўзнікненні надзвычайных сітуацый.