28 верасня ў шосты школьны дзень для вучняў былі арганізаваны наступныя мерапрыемствы: гадзіна роздуму «Маці. Дзіця. Вайна», сямейны падворак “Сям’я – гэта 7-Я”, конкурс малюнкаў “Я выбіраю здаровы лад жыцця!”, а таксама актывісты ГА «БРПА» і ГА «БРСМ» прынялі ўдзел у інфармацыйна-прапагандысцкай кампаніі “З клопатам аб бяспецы малой Радзімы”.
6 верасня ў рамках Тыдня бяспекі ў школе адбылася сустрэча навучэнцаў пачатковых класаў з начальнікам АДАІ Пружанскага РАУС Мышкевічам С. М. У ходзе гутаркі Сяргей Міхайлавіч нагадаў навучэнцам аб выкананні правілаў дарожнага руху, расказаў аб неабходнасці мець пры сабе святлоадбівальныя элементы, а таксама прыняў удзел у акцыі «Бяспечная дарога ў школу з БРСМ». Актывісты ГА «БРСМ», ГА» БРПА » сумесна з супрацоўнікам міліцыі ўручылі першакласнікам флікеры.
31 мая для вучняў школы празвінеў апошні званок, які апавясціў аб заканчэнні навучальнага года. Урачыстыя віншаванні дырэктара школы Сідарук Н.М., пажаданне настаўніцы пачатковых класаў. За плённую працу ў інтэлектуальных і творчых конкурсах, за перамогі ў спартыўных спаборніцтвах у гэтым навучальным годзе вучні атрымалі шматлікія граматы. Вучням, якім споўнілася 14 гадоў было ўручана падарункавае выданне «Я-грамадзянін Рэспублікі Беларусь».
Для вучняў 6 — 11 класаў быў арганізаваны кіналекторый «Трылогія: Адкрыты кінаархіў», прысвечаны 80 — годдзю вызвалення Беларусі ад нямецка-фашысцкіх захопнікаў.
На працягу двух дзён з 10 па 11 мая каманда «Арлы» прымала ўдзел у раённым этапе рэспубліканскай ваенна-патрыятычнай гульні «Арляня-2024», праходзячы спаборніцтвы на мясцовасці «Час каманды», у аглядзе строю і песні «Кожны з нас у страі!», «Трапны стралок», «Мужнасць! Адвага! Гонар!», «Баявы лісток», інтэлектуальным квіз-турніры «Памятаем пра мінулае, ганарымся сучаснасцю, думаем пра будучыню!».
У рамках марафона патрыятычных спраў вучні школы наведалі выставы «Па матэрыялах расследавання фактаў генацыду беларускага народа». Члены ГА «БРПА» і ГА «БРСМ», удзельнікі аб’яднання па інтарэсах «Школьны музей» расказвалі вучням аб новых фактах генацыду ў час Вялікай Айчыннай вайны.
9 мая педагагічны калектыў школы разам з вучнямі прынялі ўдзел у мітынгах у аг. Харава і аг. Калядзічы, прысвечаным Дню Перамогі. Акцябраты школы сумесна з піянерамі і актывістамі ГА «БРСМ» са сваімі кіраўнікамі падрыхтавалі музычныя кампазіцыі і ўрачыста ўсклалі кветкі каля помнікаў.
3 мая члены ГА «БРСМ» прынялі ўдзел у конкурсе ваенна-патрыятычнай песні «Мы памятаем Ваш подзвіг». Конкурс праводзіўся з мэтай фарміравання ў моладзі грамадзянска-патрыятычнай пазіцыі, захавання гістарычнай памяці аб гераічным подзвігу беларускага народа ў гады Вялікай Айчыннай вайны.
