У першы дзень канікул у школе прайшлі свята «Прыгоды Новага года» і Дзень карнавальнага касцюма. Члены ГА «БРПА» падрыхтавалі фотазону «Вогнік запрашае ў 2022 год», дзе кожны атрымаў у падарунак вясёлага Деда Марозіка. Актывісты ГА «БРСМ» запрасілі ўсіх на фотазону «Ля каміна». У класах прайшлі гульнёва-пазнавальныя праграмы «Прыгоды Новага года» і салодкія снежаньскія сталы.
23 лістада акцябраты школы прынялі ўдзел у пазнавальна-забаўляльнай праграме «Акцябрацкі квіз». Каманды адказвалі на шэсць блокаў пытанняў. Самым лёгкім для ўсіх стаў блок «Прырода Беларусі», а вось лішні раз падумаць трэба было падчас адказу на пытанні блока «Стужка часу». Квіз для акцябрат праводзіў актыў школьнай піянерскай дружыны і члены ГА «БРСМ». Музычным падарункам для ўсіх стаў танец, у выкананні піянераў школы. Акцябраты весела, дружна і цікава правялі час.
Апошняя субота першай чвэрці прайшла пад дэвізам «Бяспечныя канікулы-наш выбар!». Яна пачалася з мультурока “Правілы дзяцей на дарозе” і гульні-практыкума “У чым небяспека навушнікаў”, а завяршылася экскурсіяй “Сцежкамі малой радзімы крочым”. Таксама сёння члены ГА «БРСМ » правялі акцыю «Наша дапамога бібліятэцы».
26 кастрычніка ў школе прайшло свята «Пасвячэнне ў акцябраты», на якім вучні 2 класса праходзілі выпрабаванні ў краіне Няведайкі і знаходзілі правілы акцябрат. Вучні 2 класса справіліся з усімі выпрабаваннямі, якія ім падрыхтавалі Адзінка, Двойкі, Памылка і Клякса. Павіншаваць новых членаў ГА «БРПА» прыйшлі Старшыня савета дружыны Скобля Аліна, якая ўручыла кожнаму акцябронку салодкую паштоўку. Ад імя членаў ГА «БРСМ» выступіла сакратар школы Жур Ангеліна, якая пажадала другакласнікам цікавых прыгод, добрага настрою, сяброўства, прыемных нечаканасцей і падаравала кожнаму карысныя падарункі.
16 кастрычніка ў школе прайшоў Дзень грамадскіх аб’яднанняў. Акцябраты сустрэліся на гадзіне зносін «Хто такія акцябраты?», а пасля здезйснілі прагулку «Акцябраты адкрываюць свет». Піянеры правялі інтэлектуальныя гульні «Што жадае стаць піянерам?», наведалі сайт і сацыяльныя сеткі ГА «БРПА» і разам з членамі ГА «БРСМ» правялі акцыю па ўборцы помніка воінам Вялікай Айчыннай вайны «Абеліск».
Установа адукацыі далучылася да рэспубліканскага патрыятычнага праекта «Роднае-народнае», мэтай якога стала фарміраванне ў моладзі любові да Радзімы, павагі да яе гісторыі, беражлівых адносін да дзяржаўнай сімволікі, нацыянальных традыцый, развіццё сістэмы героіка-патрыятычнага выхавання моладзі.
22 верасня ў рамках Еўрапейскага тыдня мабільнасці члены ГА «БРСМ» правялі акцыю «22 верасня — Дзень без аўтамабіля», а таксама расказалі навучэнцам школы, адкуль і галоўнае для чаго з’явіўся такі дзень.
Тыдзень народнага адзінства пачаўся з першага ўрока «Адзінства беларускага народа — аснова незалежнай краіны». Вучні пачатковай школы прынялі ўдзел у конкурсе дзіцячых малюнкаў “Дзень народнага адзінства” , а вучні 5 — 11 класаў пісалі эсэ на тэму «Беларусь — гэта я, ты, мы…». Па выніках конкурсаў была зроблена тэматычная выстава, а лепшыя работы былі адзначаны дыпломамі пераможцаў. Старшакласнікі наведалі інфармацыйны веснік «17 верасня — Дзень народнага адзінства» у рамках работы ШАГа. Завяршыўся тыдзень шостым школьным днём — Днём народнага адзінства.
16 верасня старшакласнікі наведалі інфармацыйны веснік «17 верасня — Дзень народнага адзінства», які падрыхтавалі і правялі члены ГА «БРСМ». Актывісты расказалі прысутным, што 17 верасня 2021 года ў Рэспубліцы Беларусь адзначаецца дзяржаўнае свята — Дзень народнага адзінства.
