Пружанскі раённы савет ГА «БРПА» па ініцыятыве «Гарадскога дзіцячага парламента» ў Дзень Канстытуцыі Рэспублікі Беларусь запусціў тэтрыс-чэлендж з мэтай — паказаць у наборы простых рэчаў дзяржаўныя сімвалы як неад’емны атрыбут суверэнітэту нашай краіны. Піянеры школы сумесна з членамі ГА «БРСМ» таксама далучыліся да дадзенай акцыі.
Раніца 15 сакавіка пачалася з танцавальнай кампазіцыі «Тэрыторыя дзяцінства», якую падрыхтавалі піянеры-удзельнікі праекта «Цімураўцы.by» сумесна з членамі ГА «БРСМ». Хлопчыкі і дзяўчынкі павіншавалі ўсіх піянераў і акцябрат з Днём Канстытуцыі Рэспублікі Беларусь і стварылі святочную атмасферу на ўвесь наступны дзень. Таксама сёння ў класах прайшлі інфармацыйныя гадзіны «Канстытуцыя-асноўны закон Рэспублікі Беларусь».
Напярэдадні Дня Канстытуцыі Рэспублікі Беларусь члены ГА «БРСМ» прынялі ўдзел у інтэлектуальнай гульні «Канстытуцыя — асноўны закон нашай краіны». Гульня складалася з трох тураў: «Свая гульня», «Сакрэтны шыфр» і «Віншавальная тэлеграма». У рамках гульні перад старшакласнікамі з рэпрызай «15 сакавіка-Дзень Канстытуцыі Рэспублікі Беларусь» выступілі піянеры школы.
Вучні школы прынялі ўдзел у раённым этапе абласнога адкрытага конкурсу “Боль маёй душы – Афганістан» і у раённым этапе рэспубліканскага конкурсу “У кожнага часу свае героі”. 15 лютага прайшлі інфармацыйныя гадзіны “Рэха вайны ў Афганістане”. Таксама вучні наведалі выставу “Героі Афганскай вайны”. Завяршылась дэкада наведваннем музея вайны ў Афганістане, які знаходзіцца пры Палацы культуры г.Пружаны.
З 14 па 19 лютага ў школе прайшлі мерапрыемствы ў рамках Тыдня грамадзянскасці і патрыятызму. Фарміраванню ў навучэнцаў грамадзянскасці, патрыятызму, любові і павагі да сваёй Айчыны, актыўнай жыццёвай пазіцыі, захаванню гістарычнай памяці і спадчыны малой радзімы спрыялі круглы стол “Подзвіг беларускіх партызан” з наведваннем інтэрнэтпартала “Партызаны Беларусі” для вучняў 8 — 11 класаў, завочнае падарожжа “Мінск – наша сталіца” для вучняў пачатковых класаў, інтэлектуальная гульня “Я ведаю Беларусь”, у якой прынялі ўдзел вучні 5 — 7 класаў. На працягу тыдня працавала выстава «Мой родны кут, як ты мне мілы». Завяршыўся тыдзень шостым школьным Днём гістарычнай памяці.
Новы год і Каляды — час чараўніцтва і падарункаў, час, калі здзяйсняюцца самыя запаветныя мары і жаданні. Піянеры і члены ГА «БРСМ» традыцыйна праводзяць навагоднюю акцыю «Цуды на Каляды». Сімвал акцыі-чырвоная рукавічка, якая сімвалізуе імкненне дзяцей і моладзі Беларусі аддаць часцінку цяпла і акружыць клопатам, увагай людзей, асабліва ў навагоднія і калядныя дні. Актывісты ГА «БРПА» і ГА «БРСМ» павіншавалі з навагоднімі святамі вучня школы Неміровіча Нікіту, які навучаецца дома, а таксама падарылі карысныя зімовыя падарункі.
2022 год у Беларусі абвешчаны Годам гістарычнай памяці. Адпаведны ўказ падпісаў Прэзідэнт Рэспублікі Беларусь Новага года. Момант падпісання быў паказаны ў тэлеэфіры ў рамках трансляцыі навагодняга звароту кіраўніка дзяржавы да беларускага народа, перадае карэспандэнт БЕЛТА. Прэзідэнт падпісаў дакумент у сваім працоўным кабінеце ў Палацы Незалежнасці.
У першы дзень канікул у школе прайшлі свята «Прыгоды Новага года» і Дзень карнавальнага касцюма. Члены ГА «БРПА» падрыхтавалі фотазону «Вогнік запрашае ў 2022 год», дзе кожны атрымаў у падарунак вясёлага Деда Марозіка. Актывісты ГА «БРСМ» запрасілі ўсіх на фотазону «Ля каміна». У класах прайшлі гульнёва-пазнавальныя праграмы «Прыгоды Новага года» і салодкія снежаньскія сталы.
23 лістада акцябраты школы прынялі ўдзел у пазнавальна-забаўляльнай праграме «Акцябрацкі квіз». Каманды адказвалі на шэсць блокаў пытанняў. Самым лёгкім для ўсіх стаў блок «Прырода Беларусі», а вось лішні раз падумаць трэба было падчас адказу на пытанні блока «Стужка часу». Квіз для акцябрат праводзіў актыў школьнай піянерскай дружыны і члены ГА «БРСМ». Музычным падарункам для ўсіх стаў танец, у выкананні піянераў школы. Акцябраты весела, дружна і цікава правялі час.
Апошняя субота першай чвэрці прайшла пад дэвізам «Бяспечныя канікулы-наш выбар!». Яна пачалася з мультурока “Правілы дзяцей на дарозе” і гульні-практыкума “У чым небяспека навушнікаў”, а завяршылася экскурсіяй “Сцежкамі малой радзімы крочым”. Таксама сёння члены ГА «БРСМ » правялі акцыю «Наша дапамога бібліятэцы».