Акцыя «Я-патрыёт» да Дня народнага адзінства
Нас многа і мы разам! 17 верасня наша краіна адзначае Дзень народнага адзінства. Піянеры і акцябраты дружыны імя П.І.Клімука разам з членамі ГА «БРСМ» далучыліся да акцыі «Я-патрыёт».
Мерапрыемствы да Дня народнага адзінства
16 верасня, напярэдадні Дня народнага адзінства, у школе прайшла традыцыйная лінейка, на якой пасля слоў віншавання дырэктара, школьнікі і педагогі разам выканалі вгімн Рэспублікі Беларусь. Лінейка завяршылася музычным падарункам ад піянераў школьнай дружыны. Пасля лінейкі ў класах прайшлі адзіныя ўрокі «Дзень народнага адзінства», вучні 8 — 11 класаў прынялі ўдзел у Рэспубліканскім дыктанце, прымеркаваным да Дня народнага адзінства. На працягу дня жадаючыя маглі далучыцца да акцыі «Я-патрыёт», ініцытарам якой выступіла ГА «БРПА».
З Днём нараджэння, Беларуская рэспубліканская піянерская арганізацыя
13 верасня Беларуская рэспубліканская піянерская арганізацыя адзначае 32-гі Дзень нараджэння, святочны і яркі. Таму аўторак у школе прайшоў святочна і ярка. Распачаўся дзень з акцыі «Салодкая паштоўка ад Вогніка», а працягнуўся працай фотазоны «З Днём нараджэння, БРПА!». Затым у піянерскай дружыне імя П.І.Клімука прайшоў піянерскі збор, дзе быў выбраны новы старшыня савета дружыны — Губарык Ганна. У святочнай абстаноўцы Скобля Аліна,якая ўжо стала членам ГА «БРСМ», павязала Ганне галстук лідара. Акцябрат і піянераў павіншавалі намеснік дырэктара па выхаваўчай рабоце А.А.Фядотава, сакратар ГА «БРСМ» школы Ангеліна Жур і і талісман беларускай піянерыі — рысёнак Вогнік. Пасля збору ў рамках Тыдня народнага адзінства прайшоў квэст «У адзінстве — наш сіла», дзе прымалі ўдзел зборныя каманды акцябрат і піянераў, а капітанамі выступілі члены ГА «БРСМ».
Віншуем з 20-цці годдзем, БРСМ!
10 верасня члены ГА «БРСМ» сабраліся за круглым сталом, каб абсудзіць планы на новы навучальны год. Пасля прайшла гульнёвая праграма «Моладзевы квіз», дзе перамогу святкавалі вучні 11 класа. Завяршылася сустрэча прыемным салодкім сталом для ўсіх удзельнікаў свята.
Школа Актыўнага Грамадзяніна. Лета-час дзейнічаць. Памяці герояў будзем дастойныя!
23 чэрвеня выхаванцы лагера «Сонейка» наведалі Школу Актыўнага Грамадзяніна. Сустрэча «Памяці герояў будзем дастойныя» праводзілася з мэтай фарміравання пачуцця патрыятызму, любові да Радзімы, гонару за сваю краіну на прыкладзе гераічных учынкаў людзей у ваенны час. Члены ГА «БРСМ» прачыталі вершы пра вайну, піянеры расказалі пра подзвігі сваіх равеснікаў-герояў Вялікай Айчыннай вайны. Завяршылася мерапрыемства хвілінай маўчання.
Дыялогавая пляцоўка да Года гістарычнай памяці «Інвестыцыі ў моладзь — інвестыцыі ў будучыню»
14 чэрвеня ў прышкольным лагеры «Сонейка» прайшла дыялогавая пляцоўка да Года гістарычнай памяці «Інвестыцыі ў моладзь-інвестыцыі ў будучыню». Выхаванцы пазнаёміліся з дзейнасцю дзіцячых і моладзевых грамадскіх аб’яднанняў у Рэспубліцы Беларусь, наведалі дзіцячы прававы сайт mir.pravo.by, прыдумалі акцыі, якія змогуць правесці члены ГА «БРПА » і ГА» БРСМ » у лагеры, а таксама згулялі ў «Сваю піянерскую гульню».
З 2 мая па 9 мая ў школе праходзіў тыдзень «9 мая — Дзень Перамогі»
У Рэспубліцы Беларусь 9 мая адзначаецца Дзень Перамогі — свята, здабытае ў цяжкіх баях за свабоду і незалежнасць Радзімы. Для жыхароў рэспублікі гэта не толькі святочны дзень,але яшчэ і Дзень памяці, глыбокай павагі і падзякі ўсім, хто набліжаў Вялікую Перамогу. З 2 па 9 мая ва ўстанове адукацыі прайшоў традыцыйны тыдзень «9 мая — Дзень Перамогі». Вучні прынялі ўдзел у акцыі “Салдацкая хусцінка” і новых 11 хусцінак дабавілася на «Палатно Перамогі». Таксама прайшлі конкурс газет “Піянеры-героі”, гадзіна памяці, прысвечаная Герою СССР З.Тусналобавай і камандзіру ЧА І.Марчанка, экскурсія ў школьны музей “Становіцца гісторыяй вайна…”… Завяршыўся тыдзень мітынгам да Дня Перамогі, які праходзіў каля помніка воінам Вялікай Айчыннай вайны ў аг.Харава.
Урачысты мітынг да Дня Перамогі
Усенароднае свята 9 Мая стала сімвалам мужнасці і гераізму, вялікага патрыятызму салдат, якія цаною жыцця адстаялі свабоду. Гэта радасны і шчаслівы дзень для цяперашніх і будучых пакаленняў, для якіх дзяды і прадзеды заваёўвалі права на мірнае жыццё. 9 мая вучні і педагогі школы прынялі ўдзел ва ўрачыстым мітынгу да Дня Перамогі. Піянеры і акцябраты школы выступілі з рэпрызай «Няхай заўсёды будзе мір на свеце!».