Раённы фотаконкурс «Сцяг пераможны — радасці сцяг».
На фота: Калашнік Назар, Пухнарэвіч Крысціна
Назва работы: «Мои мысли, летящие вдаль»
Школа Актыўнага Грамадзяніна для VIII-XI класаў. Красавік 2025 г.
24 красавіка для навучэнцаў 8-11 класаў прайшоў ШАГ: «Маладосць — час выбару! Кіраванне дзяржавай». На сустрэчы з навучэнцамі ішла размова аб важнасці ўдзелу моладзі ў выбарах, аб праве выбіраць і быць абранымі, аб тым, як маладыя людзі могуць уплываць на будучыню краіны праз удзел у выбарах.
Актыўны ўдзел моладзі ў палітычным жыцці — гэта залог працвітання і развіцця дзяржавы. Таксама былі закрануты пытанні ўдзелу Беларускага рэспубліканскага саюза моладзі ў выбарах Прэзідэнта Рэспублікі Беларусі.
Акцыя «Дай лесу новае жыццё!»
12 красавіка вучні і настаўнікі нашай установы адукацыі прынялі ўдзел у грамадскай акцыі па аднаўленні беларускіх лясоў «Дай лесу новае жыццё!», прымеркаванай да Года добраўпарадкавання і 80-годдзя Перамогі ў Вялікай Айчыннай вайне.
Удзел у рэспубліканскім суботніку
12 красавіка 2025 года педагогі, работнікі, члены ГА «БРПА» і ГА «БРСМ» нашай школы прынялі актыўны ўдзел у рэспубліканскім суботніку, прымеркаваным годзе добраўпарадкавання. Узброіўшыся неабходным інвентаром, з бадзёрым настроем і энтузіязмам прыводзілі ў парадак тэрыторыю школы, сквер і луг каля школы: збіралі смецце, зграбалі лістоту і траву, вырубвалі галлё і многае іншае. Агульнымі намаганнямі ўсяго за некалькі гадзін тэрыторыя змянілася. Суботнік прайшоў вельмі натхнёна, актыўна, дружна, а галоўнае з карысцю, паказаўшы, што праца аб’ядноўвае.
Усебеларуская акцыя «Мы — грамадзяне Беларусі!»
Усебеларуская акцыя » Мы-грамадзяне Беларусі!», прысвечаная Дню Канстытуцыі Рэспублікі Беларусь, прайшла сёння ў Пружанскім раённым выканаўчым камітэце. У першай частцы мерапрыемства для навучэнцаў была арганізавана экскурсія ў Суд Пружанскага раёна, дзе маладыя грамадзяне пазнаёміліся з работай судовай сістэмы Беларусі. Пасля навучэнцаў чакала сустрэча з прадстаўнікамі раённай улады, якія расказалі аб структуры выканаўчай і заканадаўчай улады ў райвыканкаме.
У акцыі прыняла ўдзел і вучаніца нашай школы Губарык Ганна, якая была ўзнагароджана дыпломам I ступені за ўдзел у раённым конкурсе эсэ «Пасланне Прэзідэнту».
Конкурс «Міс Вясна — 2025»
Вясна прыйшла, а з ёй — прыгажосць.
5 сакавіка напярэдадні Міжнароднага жаночага дня ў Палацы культуры прайшоў раённы этап абласнога конкурсу грацыі і таленту «Міс Вясна — 2025». Удзельніцай конкурсу стала і наша вучаніца Губарык Ганна. Удзельніцы прадэманстравалі неверагодныя здольнасці, абаянне і крэатыўнасць!. У выніку Губарык Ганна атрымала тытул «Міс Вясна 2025 ONLINE». Віншуем і ганарымся!
Удзел у занальным аглядзе абласнога этапу VIII Рэспубліканскага агляду-конкурсу дзіцячай творчасці «Здравствуй, мир!»
1 лютага 2025 года навучэнцы нашай школы прынялі ўдзел у занальным аглядзе абласнога этапу VIII Рэспубліканскага агляду-конкурсу дзіцячай творчасці «Здравствуй, мир!» у г. Брэсце.
Агляд-конкурс праводзіўся з мэтай грамадзянска-патрыятычнага і духоўна-маральнага выхавання падрастаючага пакалення пад дэвізам «Беларусь-краіна падвігу, жыццё i дасягненяў!».
