Дзень экалагічных канікул прайшоў вельмі насычана. Вучні змаглі наведаць кіналекторый “Што я магу зрабіць для сваёй планеты?”, ставарылі цудоўную газету «Экалагічныя праблемы чалавецтва і шляхі іх вырашэння», малявалі малюнкі «Экалогія і я», а таксама актывісты ГА «БРПА» працавалі па праекту «Цімураўцы.by» (акцыя «Робім добрыя справы»).
31 кастрычніка — Дзень патрыятычных канікул. У гэты дзень былі прапанаваны вучням віртуальнае падарожжа па МК “Брэсцкая крэпасць-герой”, ваенна-спартыўная гульня “Зарнічка”, вусны часопіс “Маладосць, абпаленая вайной”, акцыя “Абеліск”.
У рамках шостага школьнага дня ў школе прайшлі наступныя мерапрыемствы: квэст «Маршрутамі бяспекі», круглы стол «Адказнасць за паводзіны, адказнасць за сваё жыццё», пазнавальная праграма «Я адзін дома». Ганна Губарык прыняла ўдзел ў пасяджэнні дзіцячай палаты Пружанскай раённай арганізацыі ГА «БРПА», а таксама нашы спарцмены прынялі ўдзел у раённых спаборніцтвах па лёгкай атлетыцы, дзе Саўчук Яўгеній заваяваў 3 месца па бегу на дыстанцыі 800 метраў. Віншуем і ганарымся!
24 кастрычніка сярод акцябрат піянерскай дружыны імя П.І. Клімука прайшоў дружынны этап інтэлектуальна-забаўляльнай гульні «Акцябрацкі квіз».
20 кастрычніка піянерская дружына імя П. Клімука папоўнілася. У рады піянерскай арганізацыі ўступілі вучні 2 класа. Разам з піянерамі будучыя акцябраты прайшлі перашкоды па сузор’ях «Радзімы», «Здароўя», «Вясёлыя рабяты», «Сяброўства», дзе даказалі ўсім прысутным аб тым, что яны гатовы быць заўсёды першымі, дапамагаць ва ўсіх справах, ніколі не кінуць адзін аднаго ў бядзе. Закончылася свята ўрачыстым абяцаннем нашых акцябрат.
18 кастрычніка ва ўстанове адукацыі прайшоў Адзіны ўрок у рамках Тыдня бацькоўскай любові, з мэтай фарміравання ўяўлення пра сям’ю і сямейныя каштоўнасці як аснову грамадства; выхаванне пачуцця любові і павагі да бацькоў.
У рамках тыдня Маці ў школе прайшлі тэматычныя класныя і інфармацыйныя гадзіны, навучэнцы пачатковых класаў і іх мамы прынялі ўдзел у фотаконкурсе «Прафесія маёй мамы», на групе падоўжанага дня дзеці зрабілі для сваіх любімых матуль прыгожыя букеты, а завяршыўся тыдзень святочным канцэртам, дзе гасцямі свята былі нашы самыя дарагія матулі.
Суботні дзень выдаўся вельмі насычаным і плённым. Ва ўстанове адукацыі прайшла гадзіна зносін «Цана Дня Перамогі», конкурс малюнкаў «Мае любімыя бабуля і дзядуля», працавала «Пошта дабрыні», у рамках якой вучні разносілі паштоўкі ветэранам педагічнай працы да Дня настаўніка, бабулям і дзядулям да дня пажылых людзей, акцыя «Абеліск». Вучні школы здзейснілі экскурсію ў музей-сядзібу «Пружанскі палацык» і музей ДУА «СШ №1 г.Пружаны імя ЧБВА» з наведваннем выстаў па генацыду беларускага народа, а таксама навучэнцы прымалі ўдзел у спаборніцтвах па лёгкаатлетычным кросе.
У рамках мерапрыемстваў да Дня пажылых людзей у школе прайшоў конкурс малюнкаў «Мае любімыя бабуля і дзядуля», працавала творчая майстэрня «Паштоўка для бабулі, паштоўка для дзядулі», пасля якой, вучні адправіліся з акцыяй «Пошта дабрыні» павіншавать бабуль і дзядуль, ветэранаў педагагічнай працы, з днём пажылых людзей і з надыходзячым днём настаўніка.
У мэтах прафілактыкі надзвычайных сітуацый, правапарушэнняў і злачынстваў, навучання паводзінам ва ўмовах пажараў і іншых надзвычайных сітуацый 21 верасня 2023 года ва ўстанове адукацыі праходзіць Адзіны дзень бяспекі. У рамках гэтага мерапрыемства ў школе прайшла трэніровачная эвакуацыя дзяцей і работнікаў на школьны стадыён з будынка школы, а таксама члены ГА «БРСМ» сумесна з ГА «БРПА» правялі агітацыйную работу па распаўсюджванні інфармацыі аб бяспечных паводзінах пры ўзнікненні надзвычайных сітуацый.