10 снежня вучні школы наведалі віктарыну “Пра родны край”, гадзіну зносін “Хто прыдумаў быць паслухмяным?». На ўрок маральнасці “Дабрыня жыве сярод нас” да хлопчыкаў і дзяўчынак завітаў настаяцель Свята-Пакроўскай царквы А.В.Кавальскі. Таксама сёння школьная каманда акцябрат «Ой, да ладненько» прыняла ўдзел у раённым этапе інтэлектуальна-забаўляльнай гульні “Акцябрацкі квіз”.
Снежань для акцябрат каманды «Летуценнікі», удзельнікаў рэспубліканскага акцябрацкага маршруту «Тэрыторыя дзяцінства», пачаўся з лагічных «выпрабаванняў». На тэрыторыі логікі сустрэліся каманды «Знайкі» і «Умкі». У журы былі запрошаны старшыня Савета дружыны імя П.І.Клімука Губарык Ганна і яе намеснік Казачэка Яна. Экспертам выступіў актывіст ГА «БРСМ» Арцём Зыбін. Каманды прайшлі праз 10 лагічных выпрабаванняў і перамогу з невялікім адрывам святкавала камада «Знайкі». Так весела, а самае галоўнае, карысна прайшоў другі занятак у акцябрят па маршруту «Тэрыторыя дзяцінства».
28 лістапада члены пярвічнай арганізацыі ГА «БРСМ» прынялі ўдзел у інтэлектуальна-забаўляльнай гульні «Маладзёжны квіз». Пяць каманд спрачалася за званне самых кемлівых і хуткіх, а таксама самых дружных і разумных. У цікавай і шумнай барацьбе перамога засталася за камандай 10 класа. Арганізатарам квіза для старшакласнікаў сумесна з намеснікам дырэктара па выхаваўчай рабоце А.А.Фядотавай выступіў актыў піянерскай дружыны імя П.І.Клімука. Школьныя этапы «Акцябрацкага», «Піянерскага» і «Маладзёжнага» квізаў прайшлі, і надышоў час для падыхтоўкі на раённыя этапы. Пажадаем поспехаў усім прадстаўнікам каманд!
У лістападзе ўдзельнікі рэспубліканскага піянерскага праекта «Цімураўцы.by» паспрабавалі сабе ў ролі «медыкаў». Спачатку дружная каманда акцябрат, піянераў і членаў ГА «БРСМ» распрацавала «Лістоўкі здароўя», падрыхтавалі стэнд «Будзь здаровы разам з БРПА!» і выступіла ў класах з хвілінкамі здароўя, яшчэ раз нагадаўшы вучням школы пра правілы здаровага ладу жыцця. А пасля запрасіла ўсіх на «Народную зарадку» ад ГА «БРСМ». Дзякуючы заданням лістапада цяпер удзельнікі праекта ведаюць, што такое медыцынскае цімураўства, і могуць працаваць далей у дадзеным накірунку, таму што здаровым важна быць заўсёды!
З тэрыторыі творчасці пачалі сваё падарожжа атрад акцябрат «Летуценнікі» па рэспубліканскім акцябрацкім маршруце «Тэрыторыя дзяцінства». Хлопчыкі і дзяўчынкі пазнаёміліся з новай тэхнікай малявання «Дудлінг», а таксама склалі партрэт свайго атрада. Час прайшоў цікава і карысна, а яшчэ вельмі дружна, таму што акцябраты дапамаглі адзін аднаму, падказвалі, які ўзор лепш выбраць. Заданні лістапада паспяхова выкананы, а значыць наперадзе «Летуценнікаў» чакае новая тэррыторыя. Якая? Гэта пакуль што сакрэт.
Члены ГА «БРСМ» сумесна з піянерамі дружыны імя П.І.Клімука прынялі ўдзел у акцыі «Абеліск», мэта якой -добраўпарадкаванне тэрыторыі, прылеглай да помнікаў воінаў, якія загінулі ў гады Вялікай Айчыннай вайны.
17 лістапада акцябраты школы прынялі ўдзел у традыцыйнай гульні лістапада «Акцябрацкі квіз». Пяць кемлівых, спрытных, вясёлых каманд адказвалі на пытанні шасці тураў. Самым яскравым як заўсёды стаў «Риск-тур». Гульню праводзілі члены ГА «БРСМ» на чале з сакратаром Жур Ангелінай і актыў піянерскай дружыны на чале са старшынёй Ганнай Губарык. Акцябраты разам са старэйшымі памочнікамі цікава правялі час, паглядзелі, што ўжо ведаюць, і зразумелі, над чым неабходна яшчэ папрацаваць. У канцы гульні былі аб’яўлены лепшыя прадстаўнікі з кожнай каманды, якія будуць абараняць гонар піянерскай дружыны на раённым этапе гульні ў складзе школьнай піянерскай каманды «Ой, да ладненько».
12 лістапада піянеры дружыны імя П.І.Клімука прынялі ўдзел у традыцыйнай і доўгачаканай гульні «Піянерскі квіз». Чатыры каманды адказвалі на пытанні, спрачаліся, згаджаліся, зноў спрачаліся, але часцей за ўсе правільна адказвалі на пытанні гульні. Членамі журы выступілі члены ГА «БРСМ», якія ўважліва сачылі за ўсім ходам гульні. У выніку перамога была за камандай «Непаседы», адзін бал ім саступілі «Зорачкі». У канцы гульні былі аб’яўлены лепшыя прадстаўнікі з кожнай каманды, якія будуць абараняць гонар піянерскай дружыны на раённым этапе гульні ў складзе школьнай піянерскай каманды «Ой, да ладно».
Губарык Ганна, старшыня Савета дружыны імя П. І. Клімука, прымае ўдзел у Рэспубліканскім конкурсе навукова-папулярнага відэа «Тэрыторыя ведаў» ў намінацыі «Фізічная культура і здароўе». Як зберагчы свае вочкі? Глядзім разам
