Атрад «Праменьчыкі дабрыні» завяршыў працу над заданнямі абласнога этапа рэспубліканскай гульні «ДабраДзел». Юныя цімураўцы віншавалі родных з Днём абаронцаў Айчыны і Міжнародным жаночым днём, праводзілі мерапрыемства, прысвечанае Дню юнага героя-антыфашыста, закладвалі капсулу часу…
Апошняя субота чвэрці была традыцыйна прысвечана бяспечным паводзінам. Вучні пачатковых класаў здзейснілі літаратурнае падарожжа па часопісу «Юны выратавальнік», а старэйшыя шукалі самых кемлівых падчас віктарыны “Правілы дарожнага руху павінны выконваць усе”.
Напярэдадні 75-годдзя Перамогі савецкага народа ў Вялікай Айчыннай вайне юныя ўдзельнікі рэспубліканскага праекта «ДабраДзел», акцябрата атрада «Праменьчыкі дабрыні», разам з піянерамі школы ўрачыста заклалі ў школьным музейным вугалку капсулу часу з пажаданнямі акцябратам і піянерам будучыні міру і дабра. Сімвалічным стаў подпіс на капсуле «Адкрыць у дзень 100-годдзя Вялікай Перамогі».
Сёння вучні школы прынялі ўдзел у традыцыйных школьных акцыях «Мая ўтульная школа», «Дапаможам кніжкам», «Абеліск».
17 сакавіка ў класах прайшлі інфармацыйныя гадзіны, прысвечаныя Дню Канстытуцыі Рэспублікі Беларусь.
4 сакавіка ў школе прайшоў дзень грамадзянскасці.
20 лютага ва ўсім свеце адзанчаецца Міжнародны дзень роднай мовы. Да гэтага свята далучыліся і нашы школьнікі.
15 лютага вучні школы пабывалі на дні грамадскіх аб’яднанняў. Для 1 — 4 класаў прайшла гульнёвая праграма «Акцябрацкая зорачка», піянеры школы шукалі самых кемлівых падчас Піянерскага квіза, а вось слены БРСМ сабраліся за круглым сталом.
