21 снежня піянеры школы правялі для акцябрат гадзіну зносін «Акцябронак кожны ведае і правілы бяспекі выконвае». Актывісты піянерскай дружыны расказалі малодшым сябрам пра бяспечныя паводзіны на зімовых канікулах, асаблівую ўвагу звярнуўшы на паводзіны падчас галалёду. А пасля ўручылі кожнаму «карысныя» закладкі з парадамі па бяспецы зімой.
20 снежня дэлегацыя вучняў школы наведала тэатралізаванае прадстаўленне ў г.Брэсце ў рамках акцыі «Нашы дзеці», якое сабрала 1,5 тысячы дзетак з усёй Брэсцкай вобласці. Усіх гледачоў павіншаваў з наступленнем навагодніх святаў старшыня аблвыканкама Юрый Шулейка. У палацы спорту «Вікторыя» акрамя прадстаўлення было арганізавана шмат забаўляльных пляцовак. І канечне, кожны вярнуўся дадому з салодкім навагоднім падарункам.
Зіма для птушак – самая цяжкая пара года: шмат птушак гіне ад холаду і голаду. Птушкі прылятаюць да нашых дамоў за дапамогай, і мы павінны дапамагчы птушкам перажыць зіму. Піянеры школы правялі акцыю «Кармушка для птушкі» і не толькі падрыхтавалі новенькія кармушкі, але і насыпалі смачнай падкормкі. Засталося толькі прыносіць крылатым сябрам смачныя пачастункі. Цяпер птушкам будзе прыемна прылятаць на школьны двор, каб паласавацца зярняткамі і не толькі.
На апошнім вучэбным тыдні вучні 5 — 7 класаў правялі ў рамках праекта «Школа Актыўнага Грамадзяніна» на класных гадзінах конкурсы малюнкаў «Мая малая радзіма», дзе не толькі памалявалі краявіды роднага краю, але і абмеркавалі гсіторыю ўзнікнення назваў аграгарадкоў «Калядзічы» і «Харава», а таксама паразважалі пра будучыню сваіх родных мясцін.
Да Новага года застаецца ўсё менш і менш дзён, таму самы час рыхтаваць навагоднюю прыгажуню. На працягу тыдня вучні школы прымалі ўдзел у конкурсе навагодніх елак «Парад елак-2022». Старасты класа, як арганізатары конкурсу, сталі членамі журы. Цяпер на падаконніках у школе стаіць шмат розных елак. А пераможцаў конкурсу мы даведаемся на выніковай лінейцы 23 снежня.
ПРАВИЛЬНЫЙ ВЫБОР СПЕЦИАЛЬНОСТИ
Профориентационные тесты для правильного выбора специальности
КУДА ПОЙТИ УЧИТЬСЯ
Профориентационная поддержка учащихся
22 снежня для вучняў VІІІ — ХІ класаў пройдзе адзіны дзень інфармавання па тэме «Гонар за Беларусь. Захоўваем мінулае, цэнім сучаснасць, ствараем будучыню» (вынікі Года гістарычнай памяці).
17 снежня хлопчыкаў і дзяўчынак чакалі круглы стол “Прафесіі маіх бацькоў”, мультурок “У свеце прафесій” і наведванне выставы “Дзе пачытаць пра прафесіі”, лыжны крос, а таксама вучні пачатковых класаў сабраліся з мамамі на сямейных пасядзелках “Як добра, калі мы разам”.
