Каманда школы «Ой, да ладно» 29 снежня прыняла ўдзел у традыцыйным Калядным турніры па інтэлектуальных гульнях, арганізатарам якога выступіў аддзел ідэалагічнай работы, культуры і па справах моладзі Пружанскага райвыканкама.
У гэтым навучальным годзе навагоднія ранішнікі прайшлі ў новым фармаце: кожны клас асабіста рыхтаваўся да праграмы, прадумваў конкурсы, упрыгожваў навагоднюю прыгажуню, шукаў навагоднія песні і танцы, але нязменным застаўся прыход галоўных навагодніх гасцей. Дзед Мароз і Снягурка паспелі загадаць загадкі, пагуляць у любімыя гульні Дзеда Мароза, патанцаваць і паспяваць, паслухаць вершы, а таксама ўручыць салодкія падаруначкі. З надыходзячым 2021 годам, школьная краіна.
25 снежня вучаніца 4 класа Мелеш Валерыя наведала святочнае прадстаўленне «Добрае каралеўства Эльзы», якое прайшло на сцэне Гарадскога Палаца Культуры. Валерыя прыняла ўдзел у конкурсе для вучняў 1-4 класаў агульнаадукацыйных школ на лепшую навагоднюю казку «Зімовыя прыгоды Дзеда Мароза ў Пружанах», па выніках якога Дзед Мароз перадаў дзяўчынцы запрашэнне на свята. І як напісала сама Валерыя ў фінале казкі: «Верце ў цуды, тады ім прасцей адбывацца!»
24 снежня ў святочнай абстаноўцы Дед Мароз і Снягурка разам з дырэктарам школы Нінай Міхайлаўнай Сідарук уручылі дыпломы вучням школы, лаўрэатам прэміі таленавітай моладзі «Дараванне-2020», Барысевіч Ангеліне і камандзе «То ли еще будет» за перамогі ў абласных конкурсах. Таксама пісьмы падзякі атрымалі маці Барысевіч Ангеліны і кіраўнік каманды — намеснік дырэктара па выхаваўчай рабоце Аляксандра Аляксандраўна Фядотава.
Сёння для вучняў V-VII класаў прайшоў урок па пытаннях інклюзіі дзяцей з інваліднасцю, прымеркаваны да Міжнароднага дня людзей з інвалінднасцю. Падчас урока вучні пазнаёміліся з паняццем «інклюзія», «інклюзіўная адукацыя», а таксама абмеркавалі сувязь паміж ладам грамадства і магчымасцю паўнавартасна рэалізаваць патэнцыял кожнага.
22 снежня вучні 8 — 11 класаў сустрэліся на адзіным дні інфармавання «ШАГ» – «Школа Актыўнага Грамадзяніна». Тэма снежня «Я родным краем ганаруся і ведаю – я не адзін».
21 снежня ў 5 — 7 класах прайшлі сустрэчы-агляды «Мая малая радзіма ўчора, сёння, заўтра» у рамках Школы Актыўнага Грамадзяніна. Вучні прыйшлі да высновы, што актыўны грамадзянін неабыякавы да таго, што адбываецца ў яго бліжэйшым асяроддзі, і гатовы прыкладаць намаганні, каб свет побач з ім станавіўся лепш.
Удзельнікі праекта «Пазнай Беларусь» Басак Марыя і Рустам Мірзаеў паспяхва выканалі заданне снежня і стварылі свае цацкі з выкарыстаннем беларускага арнаменту.
