У сакавіку сустрэча вучняў V-VII класаў у рамках работы Школы Актыўнага Грамадзяніна прайшла ў ракурсе «Я і прырода». Вучні сталі удзельнікамі акцыі «У прыроды ёсць сябры-гэта я і ты» і яшчэ раз абмеркавалі беражлівыя адносіны да прыроды і яе багаццяў, непаўторнасць прыроды, а таксама распрацавалі памяткі «Законы экалогіі для цябе і мяне».
24 сакавіка адбылася сустрэча старшакласнікаў са старшым памочнікам пракурора Пружанскага раёна Крупскім А.А. па пытанні прафілактыкі супрацьпраўных паводзін.
Апошняе заданне ў рамках рэспубліканскага конкурсу «Пазнай Беларусь» было прысвечана знакамітым беларусам. Басак Марыі і Мірзаеву Рустаму неабходна было знайсці цікавы факт з жыцця, дзейнасці знакамітых беларусаў (музыкантаў, навукоўцаў, спарстменаў і г.д.).
Кожны народ ганарыцца перамогай ў барацьбе за свабоду і незалежнасць Радзімы, і свята шануе памяць страт, панесеных у імя гэтых перамог. Сімвалам бязмерных выпрабаванняў беларусаў стала Хатынь, якая прадстаўляе 186 беларускіх вёсак, знішчаных у гады вайны разам з іх жыхарамі. 23 сакавіка ў класах прайшлі інфармацыйныя гадзіны «Гучаць званы Хатыні», якія былі прысвечаны Дню памяці Хатынскай трагедыі.
У сакавіку ўдзельнікі праекта «Зялёныя школы» выканалі заданні 2.1 — 2.3. па тэме «Энергазберажэнне». Юныя эколагі правялі вывучэнне выкарыстання электраэнергіі і цяпла ва ўстанове адукацыі і атрыманыя схемы размясцілі на першым і другім паверсе школы. На схемах можна знайсці месцы страты цяпла і размяшчэнне электрапрыбораў, якія спажываюць энергію. Вынікам плённай працы стаў план дзеянняў па захаванню электраэнергіі і цяпла ў школе.
25 сакавіка для вучняў VIII-XI класаў пройдзе адзіны дзень інфармавання «ШАГ» – «Школа Актыўнага Грамадзяніна» па тэме «Беларусь і Расія: гісторыя станаўлення і развіцця Саюзнай дзяржавы (да Дня яднання народаў Беларусі і Расіі)».
Тыдзень прафарыентацыі гэтай вясной пачаўся з вуснага часопіса «Карнавал прафесій». Далей экспрэс-віктарына “У свеце прафесій” і дзелавая гульня “Прэстыжныя прафесіі. Міфы і рэальнасці” запрасілі ўсіх вучняў у цікавы свет прафесій.
Субота 20 сакавіка завяршыла Тыдзень прафесій. Спачатку вучні пачатковых класаў наведалі лабараторыю ведаў “Займальна пра прафесіі”, старшакласнікі размаўлялі пра прафесіі, якія патрэбны нашаму гораду, а пасля ўсе разам сустрэліся на парадзе прафесій «Мая будучая прафесія».
