Канікулы з карысцю. Экскурсіі і прыгоды
Сёння вучні пачатковых класаў былі ў гасцях у жывёл і птушак у заапарку-заасадзе «Залаты фазан», а старшакласнікі прайшліся па Брэсцкай крэпасці і наведалі экспазіцыю «Музей вайны — тэрыторыя міру».
Канікулы з карысцю. Экалагічная экскурсія
У першы дзень канікул вучні 7 — 9 класаў здзейснілі экалагічную экскурсію ў заапарк-заасад «Залаты фазан», дзе не толькі наведалі мноства ўнікальных жывёл, сярод якіх алені, вавёркі, пясцы, фазаны, яноты і абмеркавалі, як школьнікі могуць дапамагаць прыродзе сваёй мясцовасці.
Суботні дзень бяспечных паводзін
У апошнюю суботу ІІІ чвэрці каманда акцябрат школы «Дзьмухаўцы» прыняла ўдзел у раённым этапе ІІ рэспубліканскага конкурса членаў ГА «БРПА» «Суперзорачка». «Дзьмухаўцы» добра выступілі ў конкурсе «IQ-пракачка», дзе паспелі скласці ўсе неабходныя словы. Конкурс абароны КТД «Талент» і дамашняе заданне праходзілі на сцэне. Па выніках усёй праграмы каманда «Дзьмухаўцы» заняла І месца! Таксама сёння вучні школы наведалі з экскурсійнай праграмай музей-сядзібу «Пружанскі палацык».
Адзіны дзень інфармавання для VIII-IX класаў у сакавіку «Школа Актыўнага Грамадзяніна» (ШАГ-7)
25 сакавіка для вучняў VIII-XI класаў прайшоў адзіны дзень інфармавання «ШАГ» – «Школа Актыўнага Грамадзяніна» па тэме «Беларусь і Расія: гісторыя станаўлення і развіцця Саюзнай дзяржавы (да Дня яднання народаў Беларусі і Расіі)». Падчас ШАГа былі абмеркаваны наступныя тэмы: «Яднанне народаў Беларусі і Расіі: падзеі, факты» і «Будучыня Саюзнай дзяржавы — у руках моладзі і для моладзі».
Міжнародная акцыя «Гадзіна Зямлі»
«Гадзіна Зямлі» (Earth Hour) – штогадовая міжнародная экалагічная акцыя Сусветнага фонду дзікай прыроды (WWF), якая складаецца ў сімвалічным выключэнні святла і бытавых электрапрыбораў на адну гадзіну ў знак неабыякавасці да будучыні планеты. Падчас яе згасае падсвятленне самых вядомых будынкаў і помнікаў свету, такіх як Эйфелева вежа (Парыж, Францыя), Біг-Бэн (Лондан, Вялікабрытанія), Калізей (Рым, Італія). Мерапрыемства праводзіцца па ўсім свеце ў суботу ў канцы сакавіка. У 2021 годзе акцыя «Гадзіна Зямлі» пачнецца 27 сакавіка ў 20.30 (па мясцовым часе).