Велікодны кірмаш
26 красавіка ў школе пачалося ў вучняў пачатковых класаў з Велікоднага кірмашу. Як заўсёды — усё цікава, непрадказальна і проста выдатна. Дзякуй бацькам і дзецям за актыўны ўдзел!
Школа Актыўнага Грамадзяніна для VIII-XI класаў. Красавік 2022 г.
28 красавіка для вучняў VІІІ — ХІ класаў пройдзе адзіны дзень інфармавання па тэме «Гонар за Беларусь. Вырашчана беларусамі» (аб развіцці сельскай гаспадаркі).
Клуб вясёлых і знаходлівых «У свеце прафесій»
25 красавіка старшакласнікі сабраліся на фестываль КВЗ, які ў гэтым навучальным годзе быў прысвечаны прафесіям. Каманды 8,9,10 і 11 класаў весела і знаходліва прэзентавалі прафесіі, адказвалі на пытанні «прафесійнай» віктарыны, капітаны каманд дэманстравалі сваё майстэрства і ў выніку лепшым стаў 8 клас.
Урок памяці «Нам гэты свет завешчана берагчы», прысвечаны 77-годдзю Вялікай Перамогі
21 красавіка для вучняў 5 — 7 класаў прайшоў урок памяці «Нам гэты свет завешчана берагчы», прысвечаны 77-годдзю Вялікай Перамогі. Урок прайшоў па наступных тэматычных блоках «Пачатак вайны», «Акупацыя», «Партызанскі рух і падпольная барацьба», «Вызваленне». Падчас урока вучні пазнаёміліся з работай інтэрактыўнай пляцоўкі «ПАТРЫЁТ.BY». Перад прысутнымі выступіла старшыня Хараўскога сельскага выканаўчага камітэта Алена Рыгораўна Пстыга. У якасці эпіграфа да ўрока абраныя словы Васіля Быкава: «Памяць аб крывавых выпрабаваннях у мінулай вайне ёсць найлепшы гарант міру і існавання розных народаў на нашай зямлі».
Суботні дзень прафесій
23 красавіка вучні сустрэліся на дне прафесій. У рамках шостага школьнага дня прайшлі гадзіна загадак і крыжаванак “Усе прафесіі важныя”, пазнавальная праграма “Я і свет прафесій”. Таксама сёння вучні школы прынялі ўдзел у раённых спаборніцтвах па плаванні.
Сустрэча з прадстаўнікамі Бярозаўскага дзяржаўнага прафесійнага ліцэя будаўнікоў
22 красавіка вучні 9-11 класаў сустрэліся з прадстаўнікамі Бярозаўскага дзяржаўнага прафесійнага ліцэя будаўнікоў, якія расказалі аб умовах навучання і завочна пазнаёмілі старшакласнікаў з ліцэем, а таксама адказалі на пытанні прысутных.
