Вечар сустрэчы з выпускнікамі
4 лютага школа сустракала сваіх выускнікоў у горадзе Дзяцінства. Пасля слоў мэра горада і па сумяшчальніцтву дырэктара школы Сідарук Ніны Міхайлаўны ўсе прысутныя адправіліся ў падарожжа па вуліцах і праспектах горада Дзяцінства. Выпускнікі добра справіліся з выпрабаваннямі, а вучні школы падарылі ім свае творчыя нумары. Прыемнай нечаканасцю стаў танцавальны батл «Вучні супраць настаўнікаў», дзе перамогу святкавала дружба. Завяршыўся вечар словамі фінальнай песні «Школа заўсёды чакае цябе…».
Піянеры і актывісты ГА «БРСМ» павіншавалі з навагоднімі святамі пажылых людзей у рамках рэспубліканскай дабрачыннай акцыі «Ад усёй душы».
Па традыцыі апошні дзень ІІ чвэрці ў школе быў аб’яўлены Днём карнавальнага касцюма, які ініцыіраваў Савет старшакласнікаў. Члена школьнага атраду правапарадку «Віцязі» былі адказныя за парадак падчас музычных школьных перапынкаў. Хто толькі сёння не прыйшоў у школу! А самае галоўнае, кожны герой змог зрабіць не толькі фотаздымак на памяць, але і падарыць прысутным трохі чараўніцва ў пераднавагодні час.
3 снежня члены Савета старшакласнікаў наведалі спектакль «Не пакідай мяне» ў Брэсцкім акадэмічны тэатр драмы. Спектакль створаны па п’есе сучаснага класіка беларускай драматургіі Аляксея Дудараваі прымеркаваны да 75-годдзя Перамогі ў Вялікай Айчыннай вайне. А пасля вучні здзеснілі пешую экскурсію па г.Брэсту. 
Члены Савета старшакдаснікаў школы прынялі ўдзел у рэспубліканскай дабраахвотнай акцыі «Аднавім лясы разам» і наведалі Бярозаўскае лясніцтва, дзе з ахвотай папрацавалі.
На працягу тыдня вучні прынялі ўдзел у конкурсе малюнкаў “Няма мілей ад маёй маці”, для ўсіх жадаючых працавала творчая майстэрня “Букет для мамы”. Савет старшакласнікаў арганізаваў і правёў акцыю «Фотастужка “Усё на зямлі пачынаецца з мамы”. Таксама ў класах прайшлі тэматычныя класныя і інфармацыйныя гадзіны. А 14 кастрычніка кожны клас адправіў відэапаштоўку сваім матулям.
Пятніца 30 верасня ў школе пачалася для педагогаў з прыемных букетаў, нечаканых сувеніраў, бяспройгрышнай латарэі і музычных кампазіцый у гонар настаўнікаў. Усё таму што 30 верасня ў школе прайшло свята, прысвечанае Дню настаўніка. На працягу дня на перапынках працавалі музычная пляцоўка, фотазона. Незвычайнымі былі ў гэты дзень і ўрокі, якія вялі старшакласнікі. Вучні-«настаўнікі» з усёй сур’ёзнасцю паставіліся да працоўнага дня, падрыхтавалі планы-канспекты ўрокаў, раіліся з настаўнікамі-прадметнікамі, і стараліся на ўроках быць падобнымі да сваіх любімых настаўнікаў. 
